InfoHub Logo

Aqyryn júrip anyq bas, 
Eńbegiń ketpes dalaǵa.
Ustazdyq etken jalyqpas, 
Úıretýden balaǵa, - dep Abaı atamyz aıtqandaı, ustaz – uly tulǵa, uly esim degim keledi.

Ómirdegi kóp mamandyqtardyń ishinde jan-jaqty bilimdilikti, ıkemdilikti, sheberlikti, erekshe shákirtjandylyqty, meıirimdilikti qajet etetin mamandyq – ustazdyq mamandyq. Olaı deıtinim, muǵalim eńbegi birinshiden, adamzat qoǵamy tarıhynda jınaqtalǵan ǵylym negizderinen bilim berýge tıis bolsa, ekinshiden, únemi shákirtterimen qarym-qatynasta bolyp, bilsem, úırensem degen bala armany men onyń syrly taǵdyryna basshylyq etýdi moınyna alǵan maman.  Ustaz bolý – jaı ǵana mamandyq emes. Ol – adam baǵdaryn jasaýshy.Ustaz bolý - bul sóz men úshin qadirli, men úshin qudyretti sóz. Óıtkeni, men - bastaýysh synyp muǵalimimin.

Qazirgi zaman talabyna saı muǵalimder bir orynda turmaı únemi izdeniste bolyp, ózi jańa ádis - tásilderdi taýyp, is júzine asyryp otyrý kerek. Sonda ǵana onyń eńbegi jemisti, nátıjeli bolady.

Búldirshinderdiń sabaqqa degen qyzyǵýshylyǵyn, tanymdyq belsendiligin, til úırenýge degen yntasyn arttyrý úshin jańa tehnologıalardy qoldana otyryp, ınovasıalyq ádistermen jumys júrgizgendi jaqsy kóremin. Qazir jańa tehnologıalardyń túri kóp. Ásirese, bastaýysh synyp oqýshylaryn qyzyqtyra oqytý kóp nárseni talap etedi. Árbir bala-bir-bir álem. Sondyqtan, sabaq úrdisinde túrli ádis – tásilderdi jáne sonymen qatar túrli formalardy qoldanýǵa tyrysamyn. Ásirese oıyn tehnologıasyn kóp qoldanamyn, bul tehnologıany qoldanǵanda búldirshinderdiń kózderi janyp tapsyrmany oryndaýǵa asyǵyp otyrady.Osy tehnologıalardy sabaqtarymda únemi qoldanyp otyramyn sonyń arqasynda kózdegen nátıjeme qol jetkizip otyrmyn.

Mekteptegi ustaz – balanyń ekinshi ata-anasy, bolashaqqa aıqyn jol silter aqylshysy. Onyń meıirimge toly júregi shákirt boıyndaǵy talaı aǵattyqty keshire biledi. Onyń boıyndaǵy bilim men aqyl, oıynyń qýaty talaı tentekti jýasytyp, nebir erkeni sabasyna túsiredi, tártipke baýlyp, eseıtip, er  jetkizedi. Sondyqtan árbir shákirt ózine úlgi-ónege bolǵan súıikti muǵalimin ustazym dep ataıdy.

Muǵalim – barlyq bilim berý júıesiniń negizi, jany jáne júregi.  Muǵalimniń negizgi basty maqsaty - rýhanı baı, izdempaz, adamgershiligi mol adamdy qalyptastyrý bolyp tabylady. Qazirgi zamanǵy muǵalimder habarlaýshy, baqylaýshy, tekserýshi,jazalaýshy qyzmetin tastap, kerisinshe izdenýshi, zertteýshi, tehnolog, ónertapqysh,shyǵarmashylyqpen jumys isteıtin jańashyl bolý kerek. Oqýshyny sýbekt retinde qarastyryp,onyń ózin-ózi tanýyna jol ashý, jeke tulǵa boıyndaǵy qasıetti damytý, «Men» mentalıtetin qalyptastyrý, bilim men tárbıeni jeke tulǵaǵa qaraı baǵyttaý-búgingi tańdaǵy muǵaliminiń kezek kúttirmeıtin qasıetti mindeti.

Uly aǵylshyn aǵartýshysy Ýılám Ýord: Jaı muǵalim habarlaıdy, Jaqsy muǵalim túsindiredi, Keremet muǵalim kórsetedi, Uly muǵalim shabyttandyrady,- deıdi. Osy qaǵıdany basshylyqqa ala otyryp, muǵalim mamandyǵyndaǵy meniń paryzym - aldyma bilim alýǵa kelgen ár balanyń qolynan jetektep ómir jolynyń durys baǵytyna salý, elimizdi álemge tanytatyn, ata dástúrdi qurmettegen, eń bastysy Otanyn súıetin, Elbasymyz N.Nazarbaevtyń «Bolashaqta órkenıetti damyǵan elderdiń qataryna ený úshin zaman talabyna saı bilim qajet» degen sózderine oraı básekege qabiletti, fýnksıonaldyq saýattylyǵy damyǵan azamatty tárbıeleý, osy jolda eńbektený, izdený, maqsatqa jetý... Al, kózdegen maqsatqa jetý meniń qolymnan kelerine senemin.

---