InfoHub Logo

QR Bilim jáne ǵylym mınıstrligi qyzmetkerleriniń 70 paıyzy qashyqtyqtan jumys isteıtin formatqa kóshti. Bul jaıynda vedomstvo basshysy Ashat Aımaǵambetov Facebook paraqshasynda jazdy.

«Prezıdent Qasym-Jomart Toqaevtyń tapsyrmasyna sáıkes, QR BǴM qyzmetkerleriniń 70 paıyzy qashyqtyqtan jumys isteıtin formatqa kóshti, arasynda eńbek demalysyna shyqqandar da bar. Bul sheshim, eń aldymen, sozylmaly aýrýy bar, jasy zeınetkerlikke taıaǵan jáne úıinde kishkentaı balalary bar áriptesterge qatysty. QR BǴM 14 naýryzda qabyldaǵan №108 buıryǵyna sáıkes mektep kanıkýly kezinde muǵalimderdiń 100 paıyzy jáne qashyqtyqtan oqytý barysynda kolejder men JOO-nyń oqytýshylary qashyqtyqtan jumys isteýi tıis», —dedi mınıstr.

Sondaı-aq, onyń atap ótýinshe, keshe qosymsha bilim berý, PMPK, KPPK qyzmetkerlerine qatysty qosymsha sheshim qabyldandy. Qazirgi kezeńde olardy aqy tólenetin eńbek demalysyna jiberý usynyldy.

«Ata-analar búldirshinderin aparmaýdy uıǵarǵan toptarda jumys isteıtin balabaqsha qyzmetkerlerine de aqyly eńbek demalysyn berý qajet. Sonymen qatar, bilim jáne ǵylym salasyndaǵy basshylardy uıymnyń tynys-tirshiligin qamtamasyz etýmen aınalysatyn mamandardan ózge barlyq qyzmetkerlerin aqyly eńbek demalysyna jiberýge nemese qashyqtyqtan jumys isteý formatyna aýystyrýǵa tapsyrma berdim. Biz úshin azamattarymyzdyń densaýlyǵyn saqtaýdy oılaý jáne ınfeksıanyń taralý tizbegin toqtatýǵa kúsh salý mańyzdy. Bul rette ózin-ózi oqshaýlaýdy qamtamasyz etý, qoǵamdyq oryndarǵa barmaý óte mańyzdy», — dedi Ashat Aımaǵambetov.

---