InfoHub Logo

Nur-Sultan men Almaty qalalarynda karantın engizilýine baılanysty balabaqshalar jumysyn toqtatady. Bul týraly QR Eńbek jáne halyqty áleýmettik qorǵaý mınıstri Birjan Nurymbetov aıtty.

«Jumysshylardy aqyly eńbek demalysyna jiberý qajet. Búgingi tańda barlyq mekemelerdi osy múmkindikti paıdalanýǵa shaqyramyz. Kez kelgen jumys isteıtin azamat jylyna bir ret aqyly eńbek demalysyna shyǵady. Ol keste boıynsha jasalady jáne Eńbek kodeksine sáıkes kesteden de tys berilýi múmkin. Sondyqtan búkil mekeme, uıymdardy, jumys berýshilerdi múmkin bolsa osy kúnderi jumysshylardyń jumys ornyn, tabysyn saqtaý maqsatynda aqyly eńbek demalysyna jiberýdi suraımyz», — dedi mınıstr.

Sonymen qatar ol eń birinshi kezekte úıinde balasy bar ata-analardy aqyly eńbek demalysyna jiberý qajettigin basa aıtty.

«Nur-Sultan men Almaty qalalarynda karantın engizilýine baılanysty balabaqshalardyń da jumysy toqtatylady. Bul jaǵdaıda keshe Bilim jáne ǵylym mınıstrligi tarapynan barlyq memlekettik balabaqshalarǵa jumysshylaryn eńbek demalysyna jiberý týraly talap qoıyldy. Mundaı múmkindikti basqa jekemenshik balabaqshalarǵa da qoldanýdy usynar edik», — dedi Birjan Nurymbetov.

---