InfoHub Logo

Qambar tóre ańnan qaıtyp kele jatsa, astynda shaban torysy bar, bir adam kele jatyr. Ol — Bulǵaq degen tentek edi. Ol kelip Qambar tórege sálem beredi. Ekeýi amandasyp bolǵan soń

Qambar:

— Kimsiń? — dedi.

— Bulǵaqpyn.

— Qaıda barasyń?

— Qambar tórege baramyn.

— Ne jumyspen?

— Myrza dep estidim, at minip, shapan kıip qaıtaıyn dep kelemin.

— Qambar at, shapan bermese, qaıter ediń?

— Berse de enesin uraıyn, bermese de enesin uraıyn, — dedi.

— Jaraıdy, Qambardyń aýyly — anaý, bara berińiz, — dep, ózi burylyp ketip, basqa jaqpen úıine kelip, ańshylyq kıimin tastap, han kıimin kıip alady.

Erteńine Bulǵaqty aldyryp, kórmegen kisideı jón surap:

— Ne jumyspen keldiń? — dedi.

— Qambar degen ataǵyńyzdy estip, sálem berip, at minip, shapan kıip qaıtaıyn dep keldim.

— At mingizip, shapan kıgizsem, qaıter ediń, bermesem, qaıter ediń, — dedi.

Bulǵaq:

— Berseń de keshegim, bermeseń de keshegim, — degen eken.

Sonda Qambar:

— Shyn batyr, er ekensiń, — dep at-shapan berip qaıtarypty.

---