InfoHub Logo

Gúláıym..., Gúláıym dım...  Gákón!!

— Ne?

— Ne deme, aý de!

— Aýýý (túrin tyrjıtyp)

— Maǵan otyn ákelip bereǵoıshy. Aıaq kıimimdi tappaı jatyrmyn

— Óı qoıshy..

— Men qoıshy emespin, kórshi Qonysbek ata ǵoı qoı baǵatyn (kúlip), ákep bershi endi Gákón.

— Óziń alyp alshy (murtnyn tartyp-tartyp qoıyp)

— Ne istep otyrsyń ol jerde endi

— Kóbelektiń janazasyn shyǵaryp jatyrmyz.

— Qudaı saqtasyn... ne dep otyrsyń?

Kishkentaı etip tóbeshik  jasap, ústine aǵashty aǵashqa baılap «kres» qadap qoıypty.

—  Jańa kóbelek óltirip em, sony kómip jatyrmyn, mazalamashy.

— Qap.... seni ma, mamam kelsin, tildi almaıtynyńdy birden aıtam.

— Al men saǵan keshe keshke Aıbol aǵa kelgenin aıtam.

— Sen ony qaıdan bilesiń? (sasqalaqtap qaldy)

— Men sender jolyqqan taldyń tóbesinde ańdyp otyrdym.

— Al bizdiń kezdesetinimizdi qaıdan bildiń?

— Hatynan oqydym.

— Haty??????  Sen áripti de durys tanymaıtyn eń ǵoı?

— Iá  kórshi Jamal apaı men onyń aǵasy jazýyn durys túsine almaı... sosyn Altynshash jeńgeme oqytyp alǵam?

— Uıat aııııı (beti qyzaryp) ol kisiler  de bilip qoıdy ma? Qap, seni ma.... seni... — dep aıaq kıimin izdestire bastady

— Tura tur... qazir... kóbelekke gúl qoıa salaıyn... marqum jaqsy kóbelek edi ózi — dep gúldi qoıyp qasha jóneldi.

Kelesi kúni:

— Gákóóón, syrtqy esikti jaba salshy, janym.

— O ǵoıshy, Óziń jaýyp alshy. Men órmekshiniń aıaǵyna ota jasap jatyrmyn, mazalama, áıtpese naýqas ota ústelinde ólip ketedi..(qabaǵyn shytyp alyp mamasynyń qas teretin quralymen birdeńe istep otyr)

— Ákeme aıtamyn seni, jaman qyz

— Al men Aıbol aǵanyń kelgenin aıta salam, maǵan bári bir.

— Aıtsań taıaq jeısiń.

— Ákeee... ápkem bar ǵoı she ıá...

— Jap...jap aýzyńdy... boldy ózim jabam esikti qap Qudaı aı.

Bul buzyq qyzdyń erte me joq pa aıtyp qoıatynyn oılaǵan Saltanat ózi amalsyzdan anasyna Aıbol týraly aıtyp berdi. Anasynan bir urys estip alyp, kózin kól qylǵan ol sińilisiniń janynan ótip bara jatyp «bári sen úshin» degendeı ala kózimen atty. Anasynyń aıtqanyndaı etip, Aıbolmen kezdespeýge bel býdy.

Birer kúnnen  keıin:

— Gúláıym, áı Gúláıym... bar  kórshiniń ydysyn aparyp ber.

— Aparmaımyn.

— Taıaq jeısiń endi týra...

— Aıbol aǵany  aıtyp bereeeem.

— Bar júgir aıt... aıt .... aıta ber. Neǵyp tursyń aıt,  biraq sosyn ydysty aparyp ber.

Ápkesiniń bul  qylyǵyna túsinbegen buzyq qyz, úndemeı ydysyn aldy da kete bardy.

Kelgen soń Saltanat ony shaqyryp alyp:

— Nege aıtyp bermediń mamama, «aıtaaam» dep keýip jatyr ediń  ǵoı.

— E joǵa, aıtpaımyn ǵoı. Uıat emes pe? Jaı seni qorqytaıyn degen em...

— Qaaap sen qyzdy ma.... sen úshin ... anama syrymdy  asha salyp em.. áıı buzyq sińilim aı— dep ashýlanyp turdy da artynsha kúlimdep mańdaıynan ıiskep qapsyra qushaqtap aldy.

---