InfoHub Logo

Kóz astynda qara daqtyń paıda bolýyna kóptegen faktorlar sebep bolýy múmkin. Odan qutylý da tájirıbe kórsetkendeı, ońaı emes. Kóbi dárigerge kórinýge, kún tártibi men tamaqtaný tártibin ustanýǵa jáne tabıǵı komponentterden turatyn komprester jasaýǵa keńes beredi.

Bilim-all.kz janaryńyzǵa kórik beretin 10 qarapaıym ádisti usynady.

Alqyzyl sý

^{© Apollofoto/shutterstock.com}

Alqyzyl sý terińizdi ylǵaldandyrady jáne nárlendiredi, isikten arylýǵa kómektesedi, qyzarý men qyshýdy basady, sonymen qatar aǵartatyn jáne jasartatyn qasıetke ıe.

Ony dúken sórelerinen tabý qıyn emes, biraq eger qandaı da bir sebeptermen satyp ala almasańyz, onda úıde jasap kórýge tyrysyńyz.

Ol úshin sizge:

- Raýshannyń jas gúljapyraǵy

- 1 staqan qaınaǵan sý qajet bolady.

Daıyndaý:

- Alqyzyl gúl japyraqtaryn jýyp, kishkentaı tegeshke salyp qoıyńyz.

- Ústine qaınaǵan sý quıyp, sýytyp qoıyńyz. Keıin zalalsyzdandyrylǵan tabaǵa súzgiden ótkizip alyńyz.

- Úı jaǵdaıynda jasalǵan alqyzyl sýdy tońazytqyshta saqtaý kerek, biraq bir aptadan asa saqtaýǵa bolmaıdy.

Qalaı qoldaný kerek:

- Eki maqta dıskisin alqyzyl sýǵa batyryp, jaqsylap sińýge múmkindik berińiz.

- Dıskterdi kóz aınalasyna 15 mmınýtqa qoıyp qoıyńyz. Prosedýrany tańerteń jáne keshke jasańyz. Kýrs oń áser etkenge deıin jalǵasady.

 

Tátti badamnyń maıy

^{© monicore/pixabay.com}

Badam maıy kóz aınalasyndaǵy terini qataıtady, jıi qoldanǵan jaǵdaıda kóz aınalasyndaǵy syzyqtar men isinýdi ketiredi. Uıyqtar aldynda maıdyń 2-3 tamshysyn tamyzyp, aqyryndap massaj jasańyz, bir aptadan keıin terińiz jaqsarǵanyn baıqaısyz.

 

Kartop shyryny

^{© HolgersFotografie/pixabay.com}

Kartopta tabıǵı aǵartatyn komponentter men S dárýmeni bar.

• Shıki kartopty úkkishten ótkizip, shyrynyn syǵyp alyńyz.
• Maqtany kartop shyrynyna batyryp, kózińizge 10 mınýtqa qoıyp qoıyńyz, keıin jýynyńyz.
• Qalaýyńyz boıynsha prosedýrany záıtún nemese shabdaly maılarynyń bir tamshysymen massaj jasap aıaqtasańyz bolady. Bul ádisti 2 apta boıy kúndelikti jasaý kerek.

 

Qıardan jasalǵan kompres

^{© monicore/pixabay.com}

Qıar kóp mólsherdegi antıoksıdanttarǵa, sonymen qatar aǵartatyn qasıetterge ıe.

• Jańa pisken qıardy qalyń tilimderge týrap tońazytqyshqa 30 mınýtqa qoıyńyz.
• Qıar tilimderin tońazytqyshtan shyǵaryp kózińizge qoıyńyz. Barlyq problemalyq aımaqty qamtyǵanyna kóz jetkizińiz.
• 10-15 mınýt ustap, salqyn sýmen jýyńyz. Prosedýrany kúndelikti bir apta boıy jasańyz.

 

Shaı kompresi

^{© condesign/pixabay.com}

Shaı kofeın, tanın (dýbıldik zattekter) jáne antıoksıdanttarǵa baı, demek qara daqtar men isikti jaqsy ketiredi.

• Kók nemese qara shaıdy shyǵaryp, sýyǵansha kútińiz, sosyn qaınaǵan shaıǵa maqtany batyryp alyp kózińizge qoıyńyz. Shaı qaltashalaryn da paıdalansańyz bolady.
• Kompresti 10-15 mınýt ustańyz. Bir apta boıy qaıtalasańyz terińiz jaqsara túskenin baıqaısyz.

 

Sút pen nannan jasalǵan maska

^{© cuidandotudiabetes/pixabay.com}

Sút terini áldendiredi, ylǵaldandyrady jáne aǵartady. Al nanda V dárýmenine baı ashytqy bar, bul terini sergitip, bórtýdiń aldyn alady.

• Aq nan men sútten botqa daıyndańyz.
• Maskany juqaraq etip betińizge jaǵyńyz. 10-15 mınýt ustap, jýyp tastańyz.

Osy maskany jıi jasap turatyn bolsańyz kóz aınalasyndaǵy qara daqtar kóp uzamaı ketedi.

 

Tomat shyryny

^{© pixabay.com}

Tomatta kapıllárlardyń qabyrǵalaryn qataıtatyn lıkopın antıoksıdanty bar. Tomat shyrynmen problemalyq aımaqty súrtip shyǵyńyz, 10 mınýttan soń salqyn sýmen jýyp tastańyz. Bul prosedýrany eki apta boıy kúndelikti jasańyz.

 

Aqjelken qosylǵan súzbe maskasy

^{© Ana_J/pixabay.com}

Súzbe terine tamasha nárlendiredi, al aqjelken qara daqtarmen kúresetin tamasha qural.

• Aqjelkenniń 1 úlken qasyq úgitilgen japyraqtary men butaqtaryn 2 shaı qasyq maıly súzbe men 1 shaı qasyq qaımaqpen aralastyryńyz.
• Qospany problemaly aımaqqa qoıyp, 15 mınýt kútińiz, keıin salqyn sýmen jýyp tastańyz.

Osy maskany jıi paıdalaný terińizdiń jaǵdaıyn jaqsartady, kóz aınalasyndaǵy qara sheńber men usaq ájimder qatty kórinbeıdi.

 

Massaj ben jattyǵýlar

^{© Olga Sologýb/takioki.ru}

Bul ádister kóz astyndaǵy sheńberden aryltyp qana qoımaı, kórý qabiletine de oń áser etedi.

Massajdan bastaıyq:

• Saýsaqtaryńyzdyń ushymen kóz aınalasyn 2-3 mınýt aqyryndap ýqalaımyz. Tómengi qabaqtyń boıymen samaıdan keńsirikke qaraı júremiz. Kóz almasyna túsetin artyq kúshti boldyrmas úshin ústińgi qabaqqa tıispeımiz.
• Massajdan keıin kóz aınalasyna jaǵatyn kremińizdi jaqqan durys. Ony jaǵyp jatqanda terińizdi sozyp nemese qozǵaltpaýǵa tyrysyńyz.

Endi jattyǵýlarǵa kóshýge bolady:

• Kózińizdi jumyńyz, ájim túspes úshin suq saýsaqtaryńyzben kózdiń syrtqy buryshyndaǵy terini ustap turyńyz.
• 6 sekýndqa kózimizdi qatty jumamyz, keıin qabaǵymyzdy bosańsytamyz. Bul jattyǵýdy kem degende 10 ret qaıtalaý kerek.

 

Shópten jasalǵan muz

^{© Olga Mishenkina}

Muz óz betinshe terige paıdaly: ol ony ıilgish etedi, ájimderdi tegisteıdi, isinýdi basady. Al eger siz shıpaly shópterdi muzdatyp qoıatyn bolsańyz, onyń áseri eselene túsedi.

Sizge qajet zattar:

• shatyrash shóbi
• túımedaq pen kekire gúlderi
• aqjelken (jas nemese keptirilgen)

Daıyndaý:

• Ár shópten 200 ml sýǵa 1 shaı qasyqtan alamyz.
• Qaınaǵan sý quıyp, 2 saǵat ustaımyz.
• Sýyǵan soń muz pishinderine quıyp tońazytqyshqa salamyz.

Tańerteń qabaq pen kóz aınalasyndaǵy terini shópten jasalǵan muzben 30 sekýnd súrtemiz. Eki apta boıy osy prosedýrany isteseńiz, oń áserin beredi.

---