Bıyl Qazaqstanda joǵary oqý oryndaryna 32 myńǵa jýyq grant bólindi
Bıyl joǵary oqý oryndaryna 32 myńǵa jýyq grant bólindi. Bul týraly búgin Astana Bilim granttaryn bólý jónindegi respýblıkalyq konkýrstyq komısıanyń otyrysynda QR Bilim jáne ǵylym mınıstri Erlan Saǵadıev málim etti.
«Bıyl 31 702 grant bólindi, onyń ishinde 2 950 oryn joǵary oqý oryndarynyń daıyndyq bólimderinde oqýǵa, 28 752 grant 1 kýrsqa qabyldaýǵa qarastyryldy. Bıyl memlekettik tapsyrysty qalyptastyrý eldiń áleýmettik-ekonomıkalyq damý basymdyqtaryna negizdeldi. Osy oraıda atalǵan basymdyqtardy eskere otyryp, 12 593 grant tehnıkalyq jáne tehnologıalyq mamandyqtarǵa eskerilgen. Sonymen qatar, 5 000 grant - pedagogıkalyq, 2 690 grant - aýyl sharýashylyǵy men veterınarıa mamandyqtaryna, 3 000 grant - medısınalyq salaǵa mamandyqtarǵa bólinip otyr», - dedi E. Saǵadıev.
Mınıstrlik málimetinshe, konkýrstyq negizde memlekettik tapsyrys beriletin JOO-lar tizimi aıqyndaldy. Elimizdiń 112 azamattyq joǵary oqý oryndary arasynda oqý granttary 87 JOO-ǵa bólindi. Ótken jyly 64 oqý orny qamtylǵan edi.
You Might Also Like
-
Barlyq mektepter oqýlyqtarmen 25 tamyzǵa deıin qamtamasyz etiledi, dep habarlaıdy QR Bilim jáne ǵylym mınıstrliginiń baspasóz qyzmeti habarlady.
-
Bıyl oqý granttaryn alý konkýrsyna 59 677 adam qatysýda. Bul týraly búgin Astana Bilim granttaryn bólý jónindegi respýblıkalyq konkýrstyq komısıanyń otyrysynda QR Bilim jáne ǵylym mınıstri Erlan S...
