Orta bilim berý mekemelerinde 2016-2017 oqý jylynyń bastalatatyn ýaqyty belgilendi - QR BǴM
QR Bilim jáne ǵylym mınıstriniń 2016 jylǵy 27 shildedegi buıryǵymen orta bilim berý mekemelerinde jańa oqý jylynyń bastalatyn ýaqyty jáne oqý barysyndaǵy kanıkýldar uzaqtyǵy belgilendi.
Buıryqta atap kórsetilgendeı, 2016 jyldyń 1 qyrkúıeginde búkil qazaqstandyq mektepterde, menshik nysandaryna jáne vedimistik baǵynyshtylyǵyna qaramastan, 2016/2017 oqý jyly bastalady.
Oqý jylynyń uzaqtyǵy mektepaldy daıyndyq synyptarynda 32 oqý aptasyn, 1-synyptarda - 33 oqý aptasyn, 2-11 (12)-synyptarda - 34 oqý aptasyn quraıdy.
Oqý jyly barysyndaǵy kanıkýldar uzaqtyǵy men kúni belgilendi.
Oqýshylardyń kúzgi demalysy 7 kúnge sozylady (2016 jylǵy 31 qazannan - 6 qarashany qosa alǵanda), qysqy - 10 kún (2016 jylǵy 30 jeltoqsannan - 2017 jylǵy 8 qańtardy qosa alǵanda), kóktemgi - 13 kún (2017 jylǵy 21 naýryzdan - 2 sáýirdi qosa alǵanda).
Mektepaldy synyptarda kóktemgi kanıkýl 15 kúnge sozylady (2017 jylǵy 21 naýryzdan - 4 sáýirdi qosa alǵanda). Sondaı-aq, mektepaldy daıarlyq synyptarynyń oqýshylary men 1-synyp shákirtterine qosymsha 7 kún (2017 jylǵy 1 aqpannan 7 aqpandy qosa alǵanda) kanıkýl belgilenedi.
Jazǵy kanıkýldyń bastalý kúni men sozylý merzimi 2016/2017 oqý jylynyń aıaqtalýy jónindegi mınıstrlik buıryǵynda belgilenedi.
2016 jylǵy 1 qyrkúıekte barlyq mektepterinde Qazaqstan Respýblıkasy Táýelsizdiginiń 25 jyldyǵyna jáne Qazaqstan Respýblıkasy Konstıtýsıasy kúnine arnalǵan saltanatty jıyn bolady. Sonymen qatar búkil Respýblıka boıynsha «Máńgilik el» patrıottyq aktisi sheńberinde «Men óz Otanymnyń patrıotymyn» biryńǵaı bilim berý sabaǵy ótkiziledi.
You Might Also Like
-
Jańa oqý jylynyń bastalýyna da bir aı qaldy, dep jazady «Aıqyn» gazeti.
-
2016 jylǵy oqý granttary úshin talapkerler kóbirek tapsyrǵan mamandyqtardyń arasynda geografıa jáne alǵashqy áskerı daıyndyq muǵalimdigi tanymal boldy. Bul týraly búgin Astana Bilim granttaryn bólý j...
