Bıyl oqý granttary konkýrsyna qatysqandardyń 80 paıyzy qazaq tilinde oqýǵa nıetti
Bıyl oqý granttaryn alý konkýrsyna 59 677 adam qatysýda. Bul týraly búgin Astana Bilim granttaryn bólý jónindegi respýblıkalyq konkýrstyq komısıanyń otyrysynda QR Bilim jáne ǵylym mınıstri Erlan Saǵadıev málim etti.
«Aǵymdyq jylǵy oqý granttaryn alý konkýrsyna 59 677 adam qatysýda, olardyń ishinde 47 342-si - qazaq tilinde bilim alýǵa (80 paıyzǵa jýyǵy), 12 335 talapker orys tilinde oqýǵa tapsyrdy», - dedi mınıstr.
Budan keıin E. Saǵadıev «Máńgilik el jastary - ındýstrıaǵa!» jobasy aıasyndaǵy kvota boıynsha ótkizilgen konkýrsqa 9 797 adam qatysyp otyrǵandyǵyn jetkizdi.
Onyń sózine qaraǵanda, jalpy konkýrstarǵa qatysýshylar arasynda 2 208 «Altyn belgi» ıegerleri; 303 kolej túlekteri; 169 halyqaralyq jáne respýblıkalyq olımpıadalardyń jeńimpazdary; 854 halyqaralyq jáne respýblıkalyq ǵylymı jarystardyń jeńimpazdary, 948 halyqaralyqjáne respýblıkalyq sporttyq jarystardyń jeńimpazdary; 9 Prezıdenttik olımpıadanyń jeńimpazdaryy qamtylǵan. Olar grantty alýda basymdyqqa ıe bolyp otyr.
Mınıstrdiń aıtýynsha, konkýrsqa İ, İİ top múgedektigi bar 363 adam, Qazaqstan Respýblıkasynyń azamattyǵy joq qazaq ulty ókilderinen qamtylǵan 1 053 adam, sondaı-aq 492 ata-anasynyń qamqorlyǵynan aıyrylǵan balalar men jetim balalar qatysýda. Bul adamdarǵa kvotalar belgilengen.
Budan buryn habarlanǵandaı, bıyl 31 702 grant bólindi,onyń ishinde 2 950 oryn joǵary oqý oryndarynyń daıyndyq bólimderinde oqýǵa, 28 752 grant 1 kýrsqa qabyldaýǵa qarastyryldy.
Aıta keteıik, aǵymdaǵy jyly Ulttyq biryńǵaı testileýdegi ortasha bal - 81,2 bal.
You Might Also Like
-
Bıyl joǵary oqý oryndaryna 32 myńǵa jýyq grant bólindi. Bul týraly búgin Astana Bilim granttaryn bólý jónindegi respýblıkalyq konkýrstyq komısıanyń otyrysynda QR Bilim jáne ǵylym mınıstri Erlan Sa...
-
Qazaqstanda joǵary oqý ornyna túsý úshin bilim granttary ıegerleriniń tizimi buqaralyq aqparat quraldarynda 12 tamyzǵa deıin jarıalanady. Bundaı sheshimdi búgin Astanada Bilim granttaryn bólý jónindeg...
