Bıylǵy talapkerler arasynda qaı mamandyqtar suranysqa ıe
QR Bilim jáne ǵylym mınıstrligi bıylǵy talapkerler arasynda suranysqa ıe bolǵan mamandyqtar tizimin jarıalady.
Mınıstrliktiń habarlaýynsha, bıyl memlekettik búdjet qarajaty esebinen joǵary bilim alý úshin rezervpen qosa, barlyǵy 34 907 grant taǵaıyndaldy. Bilim berý granty konkýrsyna qazaq tili bólimine 79%, orys tili bólimine 21% adam tapsyrǵan.
«2017-2018 oqý jylyna arnalǵan joǵary jáne joǵary oqý ornynan keıingi bilim berý baǵdarlamalary boıynsha memlekettik bilim berý granttarynyń barlyǵy ıgerildi. Respýblıkalyq konkýrs nátıjesi boıynsha talapkerler arasynda «Halyqaralyq qatynastar» (1 orynǵa 16 adamǵa deıin), «Quqyqtaný» (37 adamǵa deıin), «Keden isi» (10 adamǵa deıin), «Horeografıa» (22 adamǵa deıin), «Sáýlet» (22 adamǵa deıin), «Dızaın» (28 adamǵa deıin) sondaı-aq, tehnıkalyq mamandyqtar boıynsha «Geodezıa jáne kartogarfıa» (5 adamǵa deıin), «Elektroenergetıka» (4 adamǵa deıin) mamandyqtary suranysqa ıe boldy», - dep jaýap berdi baspasóz qyzmeti.
Bilim berý granttary talapkerlerdiń zań júzinde belgilengen jeńildik sanattary esebimen ulttyq biryńǵaı testileý nemese keshendi testileý boıynsha jınaǵan baldaryna sáıkes taǵaıyndalǵan.
Derekkóz: QazAqparat
You Might Also Like
-
Shashýbaı Qoshqarbaıuly 1865 jyly burynǵy Qarqaraly ýezine qarasty Balqash bolysynda «Sarshyǵan» degen jerde týǵan. Ákesi erte dúnıeden ótip, jasynan jetim qalǵan.
-
Alǵy egis dep ótken jyly tanapta ósirilgen aýyl sharýashylyq daqylyn nemese pardy aıtamyz. Daqyldardyń óniminiń mólsheri men sapasyna alǵy egister kúshti áser etedi. Osyǵan baılanysty alǵy egisterdi my...
