InfoHub Logo

QR Premer-Mınıstriniń orynbasary Darıǵa Nazarbaeva orta bilim berý mekemelerinde ishinara tekserý men memlekettik attestasıa ótkizý merzimin 2016/2017 oqý jylynan 2017/2018 jylǵa aýystyrý boıynsha keńes ótkizdi, dep habarlady www.pm.kz.

Keńes barysynda bilim jáne ǵylym mınıstrliginiń ókilderi qoldanystaǵy normatıvtik qujattarǵa sáıkes memlekettik baqylaý sharalary onyń tıimdiligin tolyq qamtamasyz etpeıtindigi týraly aqparattandyrdy. Osylaısha, mektepke deıingi uıymdar men mektepterge lısenzıany tartyp alý boıynsha sharalar qabyldanbaıdy, ákimshilik ister qozǵalmaıdy,  attestasıadan ótpegen bala baqshalar men mektepter jabylmaıdy.

Sondaı-aq keńeske qatysýshylar mınıstrliktiń bastamasymen júrgizilgen ekonomıkalyq zertteýler nátıjesinde negizgi nazar bilim uıymdarynyń ózbetinshe baǵalaýyna aýdarylatyn memlekettik attestasıadan qyzmetti ólshemdi baǵalaýǵa ótý boıynsha usynystardyń ázirlengenin atap ótti.

Qazirgi ýaqytta baǵalaýdyń jańa júıesin júrgizý tártibin retteıtin normatıvtik-quqyqtyq qujattar ázirlenýde. Mektepke deıingi uıymdar men mektepterdi baǵalaý júıesindegi jańa tásildemeler  memlekettik attestasıalaý tájirıbesinde kezdesetin jemqorlyq táýekeldikti azaıtý jónindegi sharalardyń biri bolyp tabylady.

BǴM ókilderiniń aıtýynsha, memlekettik baqylaýda jańa tásildemeler engizý belgili bir daıyndyq jumysty talap etedi. Atalǵandardyń negizinde, ózgeristerge baılanysty orta bilim berý mekemelerinde ishinara tekserý men memlekettik attestasıa ótkizý merzimin kelesi 2017/2018 oqý jylyna aýystyrý usynylady.

Óz kezeginde D. Nazarbaeva tıisti memlekettik organdarǵa atalǵan usynystar boıynsha normatıvtik-quqyqtyq aktiler ázirleýdi tapsyrdy.

---