InfoHub Logo

Analary jetektep kelip, aınalasyna úrke qaraǵan egizderdiń eki juby kózge ottaı basylady. Tomırıs pen Ýrsýlany bantıkterinen ajyratýǵa kelse, egiz qozydaı ekinshi jupty tek anasy tanıdy.

Alǵashqy qońyraýdan soń synypqa kirgen Dilnaz ben Gúlnaz anasynan góri, egizdiń syńary – ákesine jaqyn. Óz basynan ótken soń qyzdarynyń qylyǵy men qyzyǵy oǵan, ásirese, ystyq.

«Jas kezimizde men bilmeı jatqandy qaryndasym aıtyp, qaryndasym bilmegendi men aıtatynmyn. Jas kezde neshe túrli bolady goı. Urys, tóbeles. Sondaı kezderde qasymda júgirip júretin», - deıdi Murat Jumadildın Qaraǵandy qalasynyń turǵyny.

Mektepke egizder kelse, birden bastaýysh synyptyń muǵalimderi Saltanat pen Mahabbatqa tabystalady. Óıtkeni olar da egizder. Bir birine qatty uqsamasa da bir qursaqtan qatar shyqqan soń, ózderi sekildi egizdermen tez til tabysady.

«Synybymyzda kazir 3 egiz bala kelip otyr. Sol egizderdi uldy men alaıyn qyzdy men alaıyn dep ekeýmiz bólistik. Dılnaz Gúlnazdy Saltanat aldy, Ádbrahım men Abdrahmandy men aldym. Sosyn Danıar men Dılary bar ony jaraıdy sen alshy dep Saltanatqa berdim. Sóıtip bólistik. Ol da bizge qyzyqty.Ár jylda synyp alǵanda synybymyzda mindetti túrde egizder bolady»,- dedi Saltanat jáne Mahabbat Aıtbaı bastaýysh synyp muǵalimderi.

Ustazdar bir qursaqtan shyqqan egizderdi alǵashynda aıyrý qıynǵa soǵatynyn jasyrmaıdy. Biraq kemi bir jylda olardy mekteptegi eden jýýshyǵa deıin ajyratady eken. Ózderine tán qasıetteri arqyly. Al tanymaǵandar úshin biriniń atyn biri jamylyp, balaǵa tán quıtyrqy áreketterimen mekteptegi kúnderdiń kórigin qyzdyrý da osy egizderden shyǵady.

Derekkóz: KTK

---