InfoHub Logo

2021 jyldyń 1 qańtarynan dene shynyqtyrý muǵalimderiniń aılyǵyna jańa qosymsha aqy taǵaıyndaldy.

Bul týraly QR Bilim jáne ǵylym mınıstri Ashat Aımaǵambetov málim etti.

«2021 jyldyń 1 qańtarynan bastap balabaqshalar, mektepter men kolejderdegi dene shynyqtyrý muǵalimderiniń aılyǵyna jańa qosymsha aqy taǵaıyndaldy. Endi dene shynyqtyrý muǵalimderiniń eńbekaqysyna aı saıyn qosymsha 17 697 teńge tólenetin bolady. Osy rette dene shynyqtyrý muǵalimderiniń fýnksıonaly keńeıip otyr» dep jazdy mınıstr Facebook paraqshasynda.

Onyń atap ótýinshe, muǵalimder ádette ótkizetin dene shynyqtyrý sabaqtarynan bólek, qosymsha sporttyq-saýyqtyrý sabaqtaryn, ıaǵnı seksıalar ótkizetin bolady.

Ár muǵalim qosymsha seksıalyq sabaqtar ótkizedi, sáıkesinshe balalar mekteptegi qajetti jabdyqtarynyń bolýyna baılanysty túrli sport seksıalaryna qatysa alady.

«Balalardy sport seksıalary arqyly qosymsha sabaqtarǵa tartý – salaýatty ómir saltyn qalyptastyrý, bilim alýshylardy sportqa baýlý jáne olardyń densaýlyǵyn nyǵaıtý boıynsha berilgen Memleket basshysy Qasym-Jomart Toqaevtyń tapsyrmalarynyń sheńberinde basqa da keshendi sharalar qabyldanady»,- dedi Ashat Aımaǵambetov.

Esterińizge sala ketsek, Prezıdent tapsyrmasy aıasynda 2021 jyldyń 1 qańtarynan bastap pedagogterdiń jalaqysy taǵy 25 paıyzǵa ósti. Sonymen qatar biliktilik sanatyna qaraı muǵalimder eńbekaqynyń 30-dan 50 paıyzǵa deıingi kólemin qosymsha ala alady. Pándi aǵylshyn tilinde júrgizgeni úshin, dápter teksergeni úshin, synyp jetekshiligi úshin de tólenedi. Munan bólek magıstrlik dárejesi úshin 27 myń teńge kóleminde qosymsha tólem engizildi.

---