InfoHub Logo

Adaldyq... Osynaý qasıetti de aýqymdy uǵymnyń adam balasy úshin alar orny, atqarar qyzmeti orasan zor. Tek ornymen qoldan, qasıetti sózdiń qadirine jete bil! Sonda ǵana bul sóz óziniń qadir-qasıetin joǵaltpaı, máni men maǵynasy arta túseri  sózsiz.

Atam qazaq «ardyń isi - adaldyq» dep beseneden joǵary baǵalaǵany aıtpasa da belgili. Endeshe osynaý qasıetti uǵym qazirde óz dárejesinde, óz bıiginde samǵaı alyp júr me?

Qaıdam... Buǵan bir-aq mysal ash qasqyrdaı jalaqtaǵan jemqorlyq degen páleni qaıda qoıamyz? Bul bizdiń kúndelikti ómirimizge basa kóktep kirip, jappaı qoǵamnyń dertine aınalyp bara jatyr ma dep qalamyz. Sebebi kez kelgen jańalyqqa qulaq túrseńiz eriksiz «para alypty», «para beripti» degen sózdermen qalasańyzda, qalamasańyzda ushyrasasyz.  Oılap qarasaq, bul kúndelikti ádetke aınalyp bara jatqan sıaqty.

Aı men kúnniń amanynda, el ishindegi  tynyshtyq zamanda adam balasynyń bulaı buzylýyna ne jetispeıdi eken dep bir sát oıǵa shomasyz. Oılana-oılana pendeniń pendeshildigi shyǵar degen sheshimge eriksiz kelesiz. Basqa aqtar sebepte joq sıaqty. Bolǵan ústine bola tússe degen ashkózdik, baılyǵymdy eseleı tússem degen kórse qyzarlyq. Bul -  pendeniń pendeshildigi emeı nemene.

Osynyń bárin jeńer kúsh, ulttyq rýh – adaldyq. Boıymyzda osy qasıettiń sál de bolsa ushqyny bolsa, mundaı pendelikke salynyp, bir sáttik dúnıe úshin ózimizge senip tapsyrylǵan halyq senimine selkeý túsirmes edik.

Adaldyq – adam boıyndaǵy asyl qasıetterdiń biri. Adamdyq belgisiniń  ólshemi de ispetti. "Adaldyq” degen sóz shynshyldyq, aınymastyq, shyn berilgendik sıaqty ıgi qasıetterdi eske salady.

Sol sebepti de ózim sıaqty ósip kele jatqan elimizdiń bolashaǵyna úles qosar jastary osy sózben  jastaıynan tanysyp, maǵynasyna tereń boılap ósse eken dep oılaımyn. Bul sózdi bolashaq urpaqqa tek aıtyp qana qoımaı aǵa býyn ispen dáleldep, búkil halyq bolyp urpaǵynyń boıyna sińire alsa, elimizdiń erteńi nurly bolyp, tabysy eselene túspek.  Dúnıede ádildik pen adaldyqty tý etken adamnan artyq eshkim joq. Endeshe qoǵam dertine aınalǵan «jemqorlyqpen» qoǵam bolyp  birge kúreseıik! El erteńi -  adal urpaq!

Aqmola oblysy Zerendi aýdany                                          
Isakovka orta mektebiniń 11 «A» synyp oqýshysy
Neǵmetjan Zulqıa

---