InfoHub Logo

Elbasy – Ult maqtanyshy
Sabaqtyń maqsaty: Elbasynyń ómiri men eńbegin úlgi tuta otyryp, eljandylyqqa, otansúıgishtikke, azamattyqqa baýlý; el bolashaǵyn oılaıtyn, halqy úshin qyzmet etetin, ulttyq sana - sezimi joǵary, saıası - quqyqtyq mádenıeti qalyptasqan tulǵa tárbıeleý.
Kórnekiligi: N. Á. Nazarbaevtyń kitaptarynan kórme, portreti, qanatty sózderi.

1 - Júrgizýshi: Qaıyrly kún qurmetti ustazdar jáne oqýshylar. Búgin biz 1 - jeltoqsan Qazaqstan Respýblıkasynyń tuńǵysh Prezıdenti kúnine arnalǵan «ELBASY – ult maqtanyshy» atty ádebı sazdy qoıylymdy tamashalaýǵa shaqyramyz.
2 - júrgizýshi: Bizdiń Prezıdentimiz – Nursultan Ábishuly Nazarbaev. Memleket basqarý isi – mashaqatty da, mártebeli mindet. Basshy basqarǵan el – eń baı memleket, halqy eń baqytty halyq.
1 - Júrgizýshi Búgingi tárbıe saǵatymyzdy ádilettiń aq jolyn tý etip eliniń egemendigin, yntymaqty, tutastyq, birlikti oılaǵan, urpaqtyń sanalyǵyna mán bergen, ar men namysty bıik ustaǵan, álemdik deńgeıdegi iri qoǵam qaıratkeri, táýelsiz Qazaqstan Respýblıkasynyń tuńǵysh Prezıdenti N. Á. Nazarbaevtyń qurmetine arnaǵaly otyrmyz! 1 jeltoqsan – Prezıdent kúnine oraı ótkizilip otyrǵan « Elbasy ult maqtanyshy» atty tárbıe saǵatyn ashyq dep jarıalaımyn!
2 Júrgizýshi
«Elbasyna»
Aýyr kúndi artymyzǵa tastaýy –
Qıyn sátte qıyndyqtan qashpaýy.
Tilim, dinim, ultym qaıta kógergen,
Elbasymyz Nuraǵańnyń bastaýy
Týdy ustap týra jolǵa túsirip,
Jas Otannyń ómirin de túsinip,
«Elim, jerim» dep urandap taısalmaı,
Bir keremet jasady - aý kisilik!
Elbasymyz saǵan máńgi razymyz,
Úlken - kishi, aǵaıyndar – bárimiz.
«Ultym, elim» dep qaıǵyrǵan uly jan,
Siz bizderdiń pirimiz de, ánimiz.
1 - júrgizýshi: Táýelsizdigimizdi alǵannan soń halyqtyń basyn biriktirip N. Á. Nazarbaev tuńǵysh elbasy boldy. Elbasynyń bastaýymen meniń Otanym álemge tanyldy. Elim eldigin kórsetti, erligin tanytty. Qazaq halqy egemendigin alyp, Táýelsizdikke qol jetkizgende óz aldymyzǵa el bola alatyndyǵymyzǵa kúmándanǵan jandar da bolǵan eken. Biraq ar - namysty tý etken Elbasymyz ben úkimet basyndaǵy el úshin eńbek etken aǵalarymyzdyń aıanbaı eńbek etýi osy nurly kúnderge jetkizdi.
2 - júrgizýshi: Búgingi kún bizge OŃAILYQPEN KELGEN JOQ. Táýelsiz el ataný úshin, qanshama aǵa - apalarymyz, ata - babalarymyz ter tókti. Sonyń arqasynda búginde biz, Táýelsiz, derbes, álem tanyǵan Qazaqstan atanyp otyrmyz. Qazaq degen atymyzdy alǵanǵa deıin qazaq halqynyń basynan ne ótpedi, ne kórmedi.
1 - oqýshy
Qazaqstan deıtin meniń bar elim.
Jatyr alyp jarty dúnıe álemin!
Bul dalany anam jaspen sýarǵan,
Bul dalada atam qolǵa tý alǵan,
Bul dalada jylap kelip, ýanǵan
Bul dalany kórip alǵash qýanǵan
Bul dalada ósken janda joq arman!
2 oqýshy
Bar álemge shyn tanyldyq mine, biz
Elin súıgen Elbasy dep bilemiz
Teń atalyp Qazaqstan Nursultan
Nursultan men Qazaqstan tur egiz
3 oqýshy
Kúnge bettep bara jatyr kósh júrip
Eldiń dańqy bar jaranǵa estilip,
Elbasyny qurmetteıtin erekshe
Armysyzdar, aq peıildi kópshilik
4 oqýshy
Azattyq pen elge qondy tosqan baq
Qazaq elin moıyndaýda dos tańdap
Elbasynyń eńbegimen nurlana
Qazaǵymnyń mereıi tur aspandap
5 oqýshy
Eli úshin olja salyp qıyrdan
Yqpaǵan esh aýyrtpalyq, qıynnan
Merekeńiz qutty bolsyn kópshilik
Elbasynyń qurmetine jıylǵan

1 - Júrgizýshi: Anasy túsinde býyrqanyp dóńbekship jatqan teńizdi kóredi. Teńizge tússe túbinen qarý taýyp alady. Iyǵyna myltyqty asyp alyp esh tunshyqpastan, qınalmastan jaǵaǵa shyǵady. Anasy aǵaıyndaryna túsin jorytqanda: Alla jar bolsyn, túsin jaqsy eken, dúnıege shekesi torsyqtaı ul keledi eken. Mine, bul 1940 jyldyń 6 shildesinde shyr etip dúnıe esigin ashqan Nursultan Ábishuly Nazarbaev edi.

Elbasy – Ult maqtanyshy. júkteý