InfoHub Logo

Sabaqtyń taqyryby: Týǵan jerdeı jer bolmas….
Sabaqtyń maqsaty: Oqýshylardy týǵan jerge, týǵan aýylǵa degen súıispenshiligin arttyrý. Týǵan ѳlkeniń baılyǵy, alýan túrli tabıǵaty týraly túsinik berý.
Sabaqtyń damytýshylyq maqsaty: Otanyn, týǵan jerin qorǵaı bilýge, týǵan jer tabıǵatyn aıalaýǵa, halqymyzdyń talanty aqyndarynyń ѳleńderi men ata - babalarymyzdyń ѳnege etip qaldyrǵan danalyq sѳzderi arqyly oqýshylardy ultjandylyqqa, atamekenin kѳzdiń qarashyǵyndaı saqtaı bilýge tárbıeleý.
Sabaqtyń kѳrnekiligi: kúnniń, gúldiń sýreti, Qazaqstannyń kѳrikti jerleriniń sýreti, sýretter, slaıd.
Sabaqtyń ádisi: suraq - jaýap, oı - qozǵaý, klaster, toptyq jumys, áńgimeleý, sýret salý. oıyn - jattyǵý..

Sabaqtyń barysy:
Uıymdastyrý kezeńi. Oqýshylardy sabaqtyń taqyryby, onyń maqsat - mindetteri jáne negizgi ádisterimen tanystyrý.
Kirispe.
Men onyń túnin súıem, kúnin súıem
Aǵyndy ѳzen, asqar taý, gúlin súıem,
Men onyń qasıetti tilin súıem,
Men onyń qudiretti únin súıem.
Bar jándigin súıemin qybyrlaǵan,
Bári maǵan: «Otan» dep sybyrlaǵan
Janym meniń, Keýdemdi jaryp shyq ta,
Boztorǵaıy bol onyń shyryldaǵan!
Otan! Otan!
Bárinen bıik eken.
Men ony máńgilikke súıip ѳtem.
Otandy súımeýiń de kúıik eken.
Otandy súıgeniń de kúıik eken.
Tárbıeshi: Sálemetsizder me, oqýshylar! Myna óleń joldarynan neni túsindińder? Óleń joldarynyń avtory kim? Oqýshylar óz oılaryn aıtady.
«Týǵan jerdeı jer bolmas..» atty tárbıe saǵatyna qosh keldińizder! Ia, osynaý keń - baıtaq elimiz, týǵan jerimiz – Qazaqstan dep atalady. Bizdiń osynaý keń baıtaq jerimizge ásem tabıǵat, mol baılyq bergen. Árqaısysymyz aınalamyzdaǵy ásem tabıǵat búldirmeı, ony qorǵap, bolashaq urpaqqa jetkizý – bizdiń mindetimiz. Týǵan jer adamǵa erekshe ystyq. Tipti balalyq shaǵyndaǵy týǵan jer, týǵan aýyl, týǵan el túsinigimen birge adamda Otanǵa mahabbat sezimi oıanady. Otan oshaq basynan bastalady degen osy bolsa kerek.

Oı - qozǵaý.
Tárbıeshi: Búgin biz týǵan jer týraly oılarymyzdy ortaǵa salamyz.
- Senderdiń týǵan jerleriń nesimen kórikti?
- Qazaqstannyń qandaı kórikti jerlerin bilesińder?
- Tabıǵatqa shyqqanda qorshaǵan ortaǵa qandaı qarym - qatynasta bolasyńdar?
Oqýshylar jaýap beredi.
Otan, týǵan jer túsinigi klaster ádisi negizinde túsindiriledi (slaıd). Qazaqstannyń kórikti jerleri slaıd arqyly kórsetiledi

Sergitý sáti. «Estigende shapalaqta» oıyny. Muǵalim onǵa deıin sanaıdy, on degen kezde oqýshylar shapalaqtaıdy. Keıin tárbıeshi shatastyryp sanaıdy. Tek qana on degen sѳzge shapalaqtaý qajet. Qatelesken bala oıynnan shyǵyp otyrady.

Toptyq jumys. «Kún» jáne «Gúl» oıyndary.
Birinshi topqa taqtaǵa kún beınesi ilinedi. Onyń ishine «Týǵan jer tabıǵaty bizge ne beredi?» dep jazylǵan. Oqýshylar onyń jan - jaǵyna túrli nur taratady. Mysaly: ishetin tamaq, kıetin kıim, jutatyn aýa, sýsyn, qýanysh, bolashaq, dári - dármek, bilim, qazba baılyq, soǵys, tóbeles, alaýyzdyq, urysý t. b. ártúrli mazmundaǵy sýretterdiń ishinen keregin kúnniń aınalasyna qoıady. Osy sѳzder nur bolyp taralady.
Ekinshi topqa taqtanyń ortasyna «Biz týǵan jer tabıǵatyna ne bere alamyz?» dep jazylǵan uzyn aǵash ilinedi. Ortada tabıǵatqa baılanysty ártúrli mazmundaǵy sýretterdiń ishinen kerektisin alyp, gúl kúltelin qurastyrý. Gúldiń beınesi paıda bolady. Kerek emes sýretterdi qoqys shelegine tastaý.

Sýret salý. Oqýshylarǵa óz týǵan aýyldarynyń sýretin salý tapsyrylady. Tapsyrma baǵalanady.
«Atameken» áni oryndalady.

Qorytyndy. Sabaqty bekitý maqsatynda «Aspanymyz ashyq bolsyn!» jattyǵýy jasalady. Taqtaǵa bult basqan kúnniń sýreti ilinedi. Ár bultta tapsyrmalar berilgen. Barlyǵymyzdyń týǵan jerimiz – qazaq dalasy; Otanymyz – Qazaqstan; týǵan qalamyz – Qaskeleń; bizdiń ultymyz – qazaq; ana tilimiz – qazaq tili; Qazaqstan jer kólemi jaǵynan 9 orynda turady. Solardy oryndaý barysynda kúnniń kѳzi ashylady.
Balalar, bizdiń «Týǵan jerdeı jer bolmas….» atty tárbıe saǵatymyz aıaqtaldy. Saý bolyńyzdar, kѳriskenshe kún jaqsy!

Qaskeleń qalasy oblystyq
zerde buzylystary bar balalarǵa arnalǵan mektep -
ınternatynyń tárbıeshisi Asanova Jamıla