InfoHub Logo

Elektrondy oqýlyqtardy sabaqta qoldanýdyń tıimdiligi
Qazirgi zaman talabyna saı, ár muǵalim, óz bilimin jetildirip, eski birsaryndy sabaqtardan góri, jańa talapqa saı ınovasıalyq tehnologıalardy óz sabaqtarynda kúndelikti paıdalansa, sabaq tartymdy da, mándi, qonymdy, tıimdi bolary sózsiz. Bul jóninde Qazaqstan Respýblıkasy «Bilim týraly» Zańynyń 8 - babynda «Bilim berý júıesiniń basty mindetteriniń biri – oqytýdyń jańa tehnologıalaryn engizý, bilim berýdi aqparattandyrý, halyqaralyq ǵalamdyq komýnıkasıalyq jelilerge shyǵý» dep atap kórsetken.

Pedagogıkalyq tehnologıa – muǵalimniń kásibı qyzmetin jańartýshy jáne satylanyp josparlanǵan nátıjege jetýge múmkindik beretin is - áreketter jıyntyǵy.
“Inovasıa” sózi latyn tilindegi in (ishine) novus (jańa) sózderinen quralyp, jańarý, jańalyq, ózgerý degen maǵynany bildiredi.

Qazaqstanda eń alǵash “ınovasıa” uǵymyn qazaq tilinde anyqtaǵan ǵalym, profesor N. Nurahmetov. Ol “Inovasıa, ınovasıalyq úderis dep otyrǵanymyz bilim berý mekemeleriniń jańalyqtardy jasaý, meńgerý, qoldaný jáne taratýǵa baılanysty bir bólek qyzmet” dep kórsetedi.

Inovasıalyq tehnologıa – bilim sapasyn arttyrý kepili. Elektrondyq oqýlyqtardy, jańa aqparattyq tehnologıalardy paıdalanýdyń basty maqsaty -
oqýshylardyń oqý materıaldaryn tolyq meńgerýi úshin oqý materıaldarynyń praktıkalyq jaǵynan tıimdi usynylýyna múmkindik berý. Bilim salasynda kompúter oqýshy úshin oqý quraly, al muǵalim úshin jumysshy bolyp tabylady.

K. D. Ýshınskıı aıtqandaı, «Muǵalim tek óz páninen sabaq berip qana qoımaýy kerek, sonymen qatar tárbıeshi adal, ádiletti, shynshyl adam bolýy kerek». Olaı bolsa, ár muǵalim sabaqqa qoıǵan úsh maqsatynyń úsheýine de jetip, bilim men tárbıeni ushtastyrýymyz qajet.
HHİ ǵasyrdyń jan - jaqty zerdeli, daryndy, talantty adamdy qalyptastyrýda bilim berý máselesi memleketimizdiń basty nazarynda. Osy turǵyda muǵalimge bilim berýdiń tıimdi joldaryn qarastyrý, tańdaı bilý erkindigi tıip otyr.
Qazirgi zaman talabynyń ózi oqýshyny 1 - orynǵa qoıý, ıaǵnı muǵalim sabaqqa baǵyt berýshi bolyp, oqýshy aldyn - ala berilgen tapsyrmalar arqyly sabaq túsindirip, ózdik, ózindik taldaý jasap, birin - biri baǵalap, óz oılaryn tolyq jetkizip, bilim berýshi rólin alady.
Aqparattyq – komýnıkasıalyq tehnologıanyń jan - jaqty damýyna baılanysty, oqyp úırený quraldaryna jatatyn elektrondy oqýlyqtar qazirgi tańda jıi qoldanýda. Elektrondyq oqýlyq degenimiz – mýltımedıalyq oqýlyq. Bul dıdaktıkalyq ádis-tásilder men aqparattyq tehnologıany qoldanýǵa negizdelgen túbegeıli júıe.

Elektrondyq oqýlyq pen oqytýdyń negizgi maqsaty: «Oqytý prosesin úzdiksiz jáne tolyq deńgeıin baqylaý, sonymen qatar aqparattyq izdenis qabiletin damytý.» Bilim berýdiń kez kelgen salasynda elektrondyq oqýlyqtardy paıdalaný oqýshylardyń tanymdyq belsendiligin arttyryp qana qoımaı oılaý júıesin qalyptastyrýǵa shyǵarmashylyqpen jumys isteýge jaǵdaı jasaıdy.
Osy ýaqytqa deıingi bilim berý salasynda tek muǵalimniń aıtqandaryn nemese oqýlyqty paıdalaný qazirgi zaman talabyn qanaǵattandyrmaıdy. Sondyqtan qazirgi aqparattandyrý qoǵamynda bul oqýlyqtardy paıdalanbaı alǵa jyljý múmkin emes, sondyqtan elektrondy oqýlyqtyń qurylymy sapaly jańa deńgeıde bolýy tıis.

Elektrondy oqýlyq jaı oqýlyqtarǵa óte tıimdi qosymsha múmkindikter beredi. Oqý úrdisin dástúrli jáne elektrondy oqytýdy kiriktirý arqyly júrgizý, oqýshynyń pánge degen qyzyǵýshylyqtaryn arttyryp, oqytý sapasyn jetildirýge, belsendilikteri, yntalary artýyna kómektesedi, bilim sapalary tereńdeıdi. Elektrondyq materıaldardy sabaqta paıdalaný kezinde oqýshylar buryn alǵan bilimderin keńeıtip óz betimen praktıkalyq tapsyrmalar oryndaı otyryp, máseleni túsinedi. Elektrondy oqýlyq arqyly túrli sýretter, beıne kórinister, dybys pen mýzyka tyńdatyp kórsetýge bolady. Buryn muǵalim taqtaǵa bormen jazyp túsindirse, qazir elektrondyq oqýlyq arqyly oqýshylarǵa áldeqaıda tıimdi, ári túsinikti. Meńgerilýi qıyn taqyryptardy elektrondy oqýlyqtyń kómegimen túsindirse jańa taqyrypqa degen balanyń qushtarlyǵy oıanady dep oılaımyz. Oqýshy buryn alǵan bilimderin qoldanady, túrli bilim kózderinen jańa bilim alady, tulǵa baǵa jetpes tájirıbe jınaıdy, «máselelerdi sheshý» quzyrettilik deńgeıi jetiledi.

Elektrondyq oqýlyqtardy sabaqtarda paıdalaný oqýshyǵa:
• Ýaqytty únemdeýge, oqýlyq materıalyn izdep otyrmaı, ótilgen jáne umytyp qalǵan materıaldaryn eske túsirýge;
• Oqýlyqtaǵy kezdespeıtin qosymsha materıaldardy qysqa ýaqytta tabýǵa;
• Túsinbegen materıaldy sheksiz qaıtalaýǵa;
• óz betinshe oqý qyzmetin júzege asyryp, jumystyń barlyq kezeńinde ózin - ózi tekserýge;
• óz deńgeıinde tapsyrmalardy tańdaýǵa kómektesedi.
Elektrondy oqýlyqty paıdalanýdyń maqsaty: bilim berý, bilimdi bekitý, daǵdy men iskerlikter qalyptastyrý, meńgerý deńgeıin baqylaý, aqparattyq izdenis qabiletin damytý.

 Oqýshy maqsatyn naqty anyqtaı bilý kerek;
 Aqparatty jınaqtap, júıeleý qabiletin qalyptastyrý;
 Shyǵarmashylyq ǵylymı izdeniske;
 Oqýshynyń óz betinshe áreket etýine múmkindik berý.
Osy maqsat pen mindetterdi júzege asyrýda oqý – tárbıe úrdisi júzege asyrylady. Maqsatty aıqyndaýda oqýshy jańa aqparatpen tańysady.

Elektrondy oqýlyqty qoldana otyryp, oqýshylar tómendegideı jumys jasaýǵa múmkinshiligi bolady.
* ótiletin materıaldardy durys ári jeńil túrde túsinýge;
* oqýshynyń ózdiginen daıyndap, jumystyń barlyq kezeńderinde ózin - ózi tekserýge;
* jumysty tıanaqty túrde oryndap, muǵalimge faıl túrinde tapsyrýǵa;
* óz deńgeıinde tapsyrmalardy tańdaýǵa;
* qajetti materıaldardy jyldam izdep tabýǵa;
* fonohrestomatıalardy da kiriktire otyryp, sabaq úrdisinde qoldanýǵa;
* mýltımedıalyq beıne jáne dybys bólimderiniń baǵdarlamasy boıynsha alatyn jańalyqtardy iske asyrýǵa.
Munyń ózi izdenimpazdyqqa, derbes oılaýǵa, ózindik qorytyndy jasaýǵa jeteleıdi.

Elektrondy oqýlyqty mýzyka sabaǵynda qoldanǵanda kútiletin nátıjeler.
 Úlgerimi tómen oqýshylarǵa kómektesedi;
 Oqýshylardyń sabaqqa degen qyzyǵýshylyqtaryn arttyrady;
 Sabaqta paıdalanylatyn kórnekilikterdiń sanyn arttyrady;
 Oqýshylardyń shyǵarmashylyqtaryn arttyrady;
 Oqýshyny jeke jumys isteýge úıretedi;
 Oqýshynyń este saqtaý, estý, kórý, sóıleý, oılaý qabiletterin damytady;
 Pikirtalas, taldaý, analız jasaý múmkindikterin arttyrady.
Belgili bir pánge baılanysty daıyndalǵan elektrondy oqýlyqtyń, sol pánniń tıptik baǵdarlamasyna sáıkes bolýyn, taqyrypqa qatysty naqty ári qysqa oqýshy deńgeıine sáıkestendirip, berilýin eskerý kerek.

Sabaqta tehnıkalyq quraldardy, dıdaktıkalyq materıaldardy qoldaný joldary:
• Muǵalimniń aqparattyq - komýnıkasıalyq tehnologıany meńgerýi;
• Alynǵan bilim daǵdy deńgeıi joǵarylady;
• Bilimderi tereńdedi;
• Tekserý túrleri baǵalandy;
• Praktıkalyq daǵdylardy ıgerý múmkindigi artty.

Qoryta aıtarymyz meńgerilýi qıyn taqyryptardy elektrondy oqýlyqtyń kómegimen túsindirse, jańa taqyrypqa degen balanyń qushtarlyǵy oıanady, odan ári artady. Elimizdiń ár aımaǵyndaǵy mektepterde elektrondy oqýlyq únemi qoldanysta bolsa, oqý sapasy ári qaraı alǵa jyljı otyryp artady, tolyqqandy jeke tulǵa qalyptasady dep oılaımyz.

ÁDEBIETTER TİZİMİ:
1. N. Á. Nazarbaev. «Jańa álemdegi jańa Qazaqstan» (El prezıdentiniń halyqqa joldaýy) Astana - 2007 j.
2. «Qazaqstan óz damýyndaǵy jańa serpilis jasaý qarsańynda». El prezıdentiniń halyqqa joldaýy, Astana – 2006 j.
3. Qazaqstan Respýblıkasynyń bilim berý júıesin 2010 jylǵa deıin damytýdyń Memlekettik baǵdarlamasy.

Batys Qazaqstan oblysy, Bókeı Ordasy aýdany
Han Orda aýyly, Jáńgir han atyndaǵy JBBOM - niń
mýzyka páni muǵalimi Almýrzına Rıta Jolamanqyzy

Batys Qazaqstan oblysy,
Bókeı Ordasy aýdandyq balalar saz mektebiniń
«Teorıa jáne solfedjıo» pániniń muǵalim
Ihsanova Gýlfıa Jolamanovna