InfoHub Logo

Qorqyt qolyna qobyzyn alyp, Jelmaıasyn jeldirtip, dúnıeniń tórt buryshyn kezip júrgen shaǵynda eliniń taǵdyryn qyryq jyl buryn boljap, neshe túrli sáýegeılik oılar aıtady eken. Halqynyń baqyty men tynyshtyǵyn ańsap, qara qobyzyn ańyrata tolǵaıdy deıdi. El-jurttyń qolynan naızasy, ıyǵynan saýyty túspeıtin, attyń jaly, atannyń qomynda ómir ótkeretin jaýgershil zamanyn elestetip muńǵa batsa kerek. Osyndaıda qasıetti qara qobyzyn shamyrqana tolǵap:

Munan soń qıly-qıly zaman bolar,
Zaman azyp, zań tozyp jaman bolar.
Qaraǵaıdyń basyna shortan shyǵyp,
Balalardyń dáýreni qarań bolar! —

deıdi eken.

Qorqyt atanyń sol saryndary el ishinde «Elim-aı, halqym-aı!» degen kúı bolyp tartylady.

 

---