InfoHub Logo

Qorqyt eseıip, básire baılanar jasqa kelgende Qypshaq elindegi naǵashylaryna barypty. Naǵashylary Qorqytqa «taýtaılaqtyń» tuqymynan órkeni túsken bota syılaıdy. Qorqyt botany nárestedeı mápelep, til-kózden qorǵashtap, sylap-sıpap ósiredi. Tirsegi bekip, tabany qata kele bota Qorqyttyń sońynan qalmaı ilesip, bir sát kóz jazsa bozdap mazasy ketedi eken. Taılaq bolyp, tanaýy tesilgen soń da ne kelege qosylmaı,
ne bóten adamdy mańaıyna jolatpaı, tek qana Qorqytqa baýyr basyp ósedi. Taılaqtan keıin qunansha, odan ári býyrshyn bolǵan shaǵynda júrisine tuıaq bitken shydamaıtyn, tabany muzdan taımaıtyn, jeti kún, jeti tún ot ottap, sý ishpese, myńq etpeıtin, tyqyr buıra Jelmaıa bolyp shyǵa keledi.

Qorqyttyń «Jelmaıa» kúıi osynaý qanatty kóligine, senimdi serigine arnalǵan eken.

 

---