InfoHub Logo

Halyqtyń aıtýyna qaraǵanda, Qorqyt degen attyń qoıylýy kezdeısoq emes kórinedi. Qorqyt týǵan kezde jınalǵan jurt bala ornyna pishinsiz «qubyjyqty» kórip, qorqyp qashady. Anasy bala týǵanyn sezip, pishinsiz «qubyjyqtyń» qabyǵyn jaryp jibergende, jylaǵan balanyń daýsy estiledi, álgi qorqyp qashqandar qaıta kelip, bul balanyń atyn «Qorqyt» qoıý kerek desedi.

Bir zamanda bireýler túsinde Qorqytqa: «Qyryq-aq jyl jasaısyń!» — dep aıan berip ketipti, sodan keıin Qorqyt jelden júırik Jelmaıany jazylap minip, máńgilik ómir izdep shyǵady. Álemniń búkil elderin aralap, bárinde de ólim bar ekenin kórgen soń, Syrdarıaǵa qaıtady. Jelmaıasyn qurbandyqqa shalyp, ózi sýdyń ústine kilem tósep otyryp, Qorqyt qobyzymen ómir ánin shyǵarypty. osy án aıtylyp turǵan kezde ólim Qorqytqa jaqyndaı almaıtyn bolypty. Qaljyraǵan Qorqyt bir mezet qalǵyp ketkende, ajal ony jylan bolyp shaǵyp, óltirgen eken. Biraq Qorqyt kúıi ajalmen aıqasyn toqtatqan emes. Kúı tartylǵan jerge ajal bara almaıdy-mys. Sol zamannan bastap Qorqyt beınesi ómir úshin ólimge qarsy kúrespen baılanysty.

 

---