InfoHub Logo

Qazaqstanda ulttyq biryńǵaı testileý bastaldy.

Negizgi ulttyq biryńǵaı testileýge ótinish qabyldaý 28 sáýirde bastalyp, 14 mamyrǵa deıin jalǵasty.

Tirkeý testcenter.kz saıtynda júrgizildi.

UBT ótkizý merzimi - 16 mamyr men 5 shilde aralyǵy.

Túlekter 28 sáýir men 6 mamyr aralyǵynda UBT-nyń birinshi múmkindigine, 7 mamyr men 14 mamyr aralyǵynda ekinshi múmkindigine ótinish berdi.

Testilenýshiler UBT-ǵa tirkelý kezinde testileýdiń ótetin ornyn, kúnin jáne ýaqytyn ózderi tańdaıdy.

Talapkerler atalǵan kezeńde testini 2 ret tapsyryp (eki sertıfıkat ta jaramdy), eń úzdik nátıjemen bilim granty konkýrsyna qatysa alady.

Bul UBT-ǵa kimder qatysa alady: 2023 jylǵy mektep jáne kolej túlekteri, mektep pen kolejdiń ótken jylǵy túlekteri, shetelde bilim alyp júrgen 11(12) synyp oqýshylary, qandastar, shartty túrde oqyp jatqan stýdentter.

Bıylǵy mektep túlekteri UBT-ǵa tegin qatysady, qalǵandary úshin testileýge qatysý quny – 4 230 teńge.

---