InfoHub Logo

Taqyryby: Elin súıgen, eli súıgen - Elbasy
Maqsaty:
a) bilimdilik: Oqýshylarǵa Qazaqstan Respýblıkasynyń Prezıdenti Nursultan Nazarbaev ómiri men shyǵarmashylyqqa toly atqarylǵan isteri týraly málimetter berý.
á) Damytýshylyq: Oqýshylarǵa prezıdenttiń el úshin jasaǵan isterin úlgi - ónege etý.
b) Tárbıelik: Oqýshylardy óz Otanyn, halqyn súıetin azamat bolyp ósýge, eljandylyqqa, patrıottyq sezimge tárbıeleý. Kórnekiligi: N. Á. Nazarbaevtyń túrli janrlarda túsken sýretteri, kitaptar buryshy, naqyl sózder, slaıdtar
Barysy:
İ. Uıymdastyrý kezeńi
Qazaqstan Respýblıkasynyń Memlekettik Ánurany oryndalady.
İİ. Kirispe

1 - júrgizýshi: Jeltoqsannan bastaý alǵan egemen, Egemendi elde berik keregem. Qazaqstan birligimniń aıǵaǵy, Álem bilgen basshysymen kóregen.

2 - júrgizýshi: Qazaq búgin bar álemnen baǵa alǵan,
Qut qonǵan el qasıetten jaralǵan.
Birligimniń týyn bıik ustaǵan,
Jańarǵan el jeltoqsannan nár alǵan.

1 - júrgizýshi: Birligimniń buzylmaǵan qaımaǵy,
Beıbit kúnde jelbiregen baıraǵy.
Barlyq ulttar baqyt tapqan ózińnen,
Qazaqstan - yntymaqtyń aıǵaǵy.
2 - júrgizýshi: Byltyr el táýelsizdiginiń 20 jyldyq merekesi qarsańynda Qazaqstan Parlamentiniń Senaty «1 jeltoqsan – Qazaqstan Respýblıkasynyń Tuńǵysh Prezıdenti kúni» memlekettik merekesin bekitken zańyn qabyldaǵany barshaǵa málim. Qazaqstan Respýblıkasynyń Tuńǵysh Prezıdenti kúni – barsha qazaqstandyqtarǵa qutty mereke bolǵaı. Halyq úshin qyzmet etýdi baqyt sanaıtyn Elbasymyz turǵanda Qazaqstan keleshekte damyǵan, órkenıetti el bolaryna kámil senemiz.

1 - júrgizýshi: Bul – elimizdiń jańa tarıhyndaǵy erekshe kún. Naqtyraq aıtsaq, jıyrma jyl buryn, ıaǵnı 1991 jylǵy 1 jeltoqsanda búkilhalyqtyq saılaýda Nursultan Nazarbaev Memleket basshysy bolyp saılandy. Sóıtip, ǵasyrlar boıy halqymyzdyń asyl armany bolyp kelgen egemen Qazaqstandy qurý jónindegi ata - babalarymyzdyń tarıhı amanaty oryndaldy. Biraýyzdan Memleket basshysy bolyp saılanǵan Tuńǵysh Prezıdent Nursultan Nazarbaev Qazaqstandy jarqyn bolashaqqa batyl bastady.

2 - júrgizýshi: Qurmetti ustazdar men oqýshylar, 6 «A, V» synyptarynyń «Elin súıgen, Eli súıgen Elbasy» taqyrybyndaǵy ashyq tárbıe saǵatyna qosh keldińizder!

Kórinis: Nursultannyń balalyq shaǵy:

Rólderde: Ájesi - Myrzabala, Ákesi – Ábish, Bala - Sultan «Úshqońyr» áni, oryndaıtyndar:...................

1 - júrgizýshi:. Ataqty tulǵanyń týǵan jerin onyń ósip - óngenin, ásirese, qazaqtar úshin geneologıalyq dińgegin bilý kez kelgen adamnyń qyzyǵýshylyǵyn týdyrady. Bul, birinshiden, bizdiń Prezıdentimizge qatysty. Bul kóp jazyldy, fılmder kórsetildi. Ásirese «Balalyq shaǵymnyń aspany» fılmi óte qyzyqty, jan júıeńdi tolǵandyrady. Bolashaq Prezıdent Almaty oblysy Shamalǵan aýdany Úshqońyr tóbesindegi kıiz úıde týǵan. Ata - anasynyń uzaq kútken uly, tuńǵysh balasy otbasyn, qýanysh pen úlken qyzyqqa keneltti. Áıteýir shańyraqta bala kúlkisi men kishkentaı qadamnyń daýysy estildi.