InfoHub Logo

Sabaqtyń taqyryby: Elin súıgen, eli súıgen - Elbasy
Sabaqtyń maqsaty: Qazaqstan Respýblıkasynyń tuńǵysh Prezıdenti N. Á. Nazarbaevtyń eli úshin etken eren eńbegin jas azamattarymyzǵa ulyqtaý, oqýshylardy halqynyń tegin, tarıhyn bilýge, Otanyna adal qyzmet etýge tárbıeleý.
Kórnekiligi: býkletter, elbasy týraly slaıdtar.
Ádisi: túsindirmeli, zertteýshilik, taldaý.
Jospar

1. Kirispe.
2. Negizgi bólim.
a) Bala Nursultan - dana Nursultan.
á) Ómir órnekteri.
b) Meniń aıtarym...

3. Qorytyndy.

Sabaqtyń barysy:
Muǵalim: Armysyzdar, aıaýly ustazdar, oqýshylar! Elimizde tuńǵysh ret atalyp otyrǵan mereke 1 - jeltoqsan prezıdent kúni merekesimen sizderdi quttyqtaımyn. Bizdiń qasıetti jerimiz, qýatty elimiz elbasynyń arqasynda eńseli de, rýhty da. Kemeńger basshy sońyna ergen elin adastyrmaı nyq bastap kele jatyr. Elbasynyń osynsha eńbegin árıne, aıtyp taýysý múmkin emes shyǵar, degenmen sizderdiń de oılaryńyzdy tyńdap kóreıik. Jospar boıynsha ár oqýshy óz bilimderin ortaǵa salsyn.
(Oqýshylar elbasynyń balalyq shaǵy, stýdenttik ómiri, jasaǵan jumys oryndary, osy dárejege qalaı jetkeni jóninde tolyq qamtıdy.)
Nazerke:
Elbasyna
Perzentsiń, týǵan jerge bir balasyń,
Basyshysyń, birge baýyr, birge aǵasyń
Aldymen sen tolqısyń, qýanasyń
Qazaqtyń kórseń ǵajap bir dalasyn

Qansha jyl mańdaı terdi kól ǵyp tógip
San kúres, qıyn jolǵa tózip, kónip
Aqyldyń aspanynan syrǵanamaı
Qaıratty qolmen istep, kózben kórip

Sabyrdyń, keńpeıildiń, jomarttyqtyń
Úlgisin minezi baı, oı artyqtyń
Kórsetken talaı, talaı kezeńderde
Júrmedi kóleńkeńe qol artyp kim

Turǵam joq bos dáriptep, tógip óleń
Jaralǵam adamdyqtyń teginen men
Jetse de Qazaqstan qaı bılikke
Qashan da sol bılikten seni kórem

Ol meniń Otanshyldyq maqtanyshym
Aqyndyq aq shabytym, appaq isim
Men emes, maqtanady týǵan dala
Uldardy «Elim» deıtin tapqany úshin

Án. Qazaqstan. Oryndaǵan:
Muǵalim: Endi balalar, meniń aıtarym... bólimi boıynsha árıne, sizderge ázirshe sizderdi elbasymen kezdestirý múmkindigi bolmaı otyr, desekte, ózimizdiń kókeıimizde tolǵandyryp júrgen máselemizdi hat joldarymen jetkizip kóreıik..
(Ár oqýshy prezıdentke hat jazady. Hattar oqylyp, qortyndy túıini elbasyna joldanǵan úndeý retinde qabyldanady.)
3. Qorytyndy.
Muǵalim: Táýelsizdik tańy úshin kúresken elbasy týraly aıtylǵan osy yqylas - nıetterińiz úshin, appaq kóńilderińiz úshin sizderge kóp kóp rahmet. Elimizdiń kóz qýanyshy bolyp, aman – esen er jetińder. Táýelsizdigimiz berik, tuǵyrymyz bıik bolsyn!