InfoHub Logo

Tárbıe saǵaty
Taqyryby Elin súıgen, eli súıgen Elbasy
1. Bilimdilik. Oqýshylarǵa Qazaqstan Respýblıkasynyń Prezıdenti Nursultan Nazarbaev ómiri men shyǵarmashylyqqa toly atqarylǵan isteri týraly málimetter berý.
2. Damytýshylyq. Oqýshylarǵa prezıdenttiń eli úshin jasaǵan isterin úlgi - ónege etý.
3. Tárbıelik. Oqýshylardy óz Otanyn, halqyn súıetin azamat bolyp ósýge, eljandylyqqa, patrıottyq sezimge tárbıeleý.
Kórnekiligi: slaıd, shar

Sabaqtyń barysy
Uıymdastyrý kezeńi
Tárbıe saǵatymyz Qazaqstan Memleketiniń Tuńǵysh Prezıdent kúnine arnalady.
GIMN oryndalady
Oı qozǵaý
- Biz qaı memlekette turamyz?
- Táýelsiz Qazaqstan memleketinde turamyz.
- Bizdiń prezıdentimiz kim?
- Nursultan Ábishuly Nazarbaev
- Qazaqstan Respýblıkasynda Prezıdent saılaýy qaı jyldan bastaldy?
- 1991 jyly
- Durys aıtasyńdar.
1991 jyly 1 jeltoqsanda alǵash ret Qazaq SSR Prezıdentiniń jalpyhalyqtyq saılaýy ótip, ol saılaýda Nursultan Ábishuly Nazarbaev el Prezıdenti bolyp saılanǵany barshamyzǵa málim.
Bıyl mine úshinshi jyl, Tuńǵysh prezıdent kúnin atap ótýdemiz.
1 - júrgizýshi
Bar álemge shyn tanyldyq mine, biz,
Elin súıgen Elbasy dep bilemiz.
Teń atalyp Qazaqstan - Nursultan
Nursultan men Qazaqstan tur egiz.

2 - júrgizýshi
Eli úshin olja salyp qıyrdan,
Yqpaǵan esh aýyrtpalyq, qıynnan.
Merekeńiz qutty bolsyn kópshilik
Elbasynyń qurmetine jıylǵan!
Muǵalim: Qazaqstan Respýblıkasynyń árbir azamaty táýelsiz elin maqtan tutady. Ata - babalarymyzdyń ǵasyrlar boıy ańsap ótken Táýelsizdikke qol jetkizgeli beri talaı - talaı asqarly asýlardy baǵyndyrdyq.
Elimizde ulttar dostyǵy qanat jaıyp keledi. Bul jetistikte sóz joq elimizdiń tuńǵysh prezıdenti Nursultan Ábishuly Nazarbaevtyń sińirgen eńbegi zor.

1 - júrgizýshi
Darıalarǵa toǵysty aǵys úni,
Aldan týdy taǵdyrdyń taǵy syny.
Ulylyqtyń basynda óziń barsyń.
Elbasymyz Nursultan Ábishuly!
Muǵalim: Búgingi bizdiń sabaǵymyz tórt toptyń zertteýi túrinde ótpek.
1 - top. Balalyqtan kemel shaqqa saıahat
2 - top. Elbasy men El shejiresi (qysqasha sholý)
3 - top. Elbasynyń laýazymdyq mártebesi (sholý)
4 - top. Prezıdenttiń hobbıi

Qazaqstan Respýblıkasy Prezıdenti Nursultan Ábishuly Nazarbaevtyń ómiri men qyzmeti týraly ıgi isterin taldaý úshin sóz kezegin zertteýshi oqýshylarǵa beremiz.
1 - top. Balalyqtan kemel shaqqa saıahat
Arýjan: Elbasymyz N. Á. Nazarbaev 1940 jyldyń 6 - shildesinde Almaty oblysynyń Qarasaı aýdanyndaǵy Shamalǵan aýylynda dúnıege kelgen.
Nurasyl: Elbasymyzdyń ákesi Ábish pen anasy Áljan óte eńbekqor, baý - baqsha ósirýdiń sheberi, kózi ashyq, kókiregi oıaý adam bolǵan.
Aıǵanym: Ol mektepti 1958 jyly úzdik bitiredi. Oǵan kýá aldaryńyzda turǵan sol kezdegi klastan klasqa kóshý kýáligi.
Arýjan: 1958 - 1960 jyldary Dneprodzerjınsk tehnıkalyq ýchılıshesinde oqyǵan
Álisher: Bizdiń Elbasymyzdyń jary Sara Alpysqyzy elimizdegi «Bóbek» qorynyń Prezıdenti
Aıaýlym:
Darıǵa, Dınara, Álıa atty qyzdardy tárbıelep ósirgen meıirimdi áke. Onyń
7 nemeresi jáne 3 shóberesi bar.
Gúlnaz:
Turatuǵyn bolashaqtyń úni kep,
Tartylar kúı aıtylatyn jyry kóp.
Erekshe bir erkindeıik, baýyrlar,
Búgin tuńǵysh prezıdent kúni dep.
Án: Nur aǵa Mıras
2 - top Elbasy men el shejiresine sholý