InfoHub Logo

Eńbek - bárin jeńbek (2 - synyp)
Eńbek - qýanysh, jalqaýlyq - aıyrylmas azap.
Abaı
Maqsaty: «Eńbek»adamgershilik qundylyǵy týraly túsinikterin keńeıtý.
Mindetteri:
- eńbektiń adam ómirindegi máni týraly túsinik berý;
- eńbek etýge qyzyǵýshylyqtaryn damytý;
- eńbeksúıgishtikke tárbıeleý;
Kórnekti quraldar: sújetti sýretter, jemis aǵashtary, túrli - tústi qaǵazdar, dápter, oqýlyq
Sabaq elbasymyz N. Á. Nazarbaevtyń sózimen bastalady. (1 - slaıd)
Shattyq sheńberi (2 - slaıd)
Oqýshylar muǵalimmen birge sheńber quryp turady, sálemdesedi, án aıtady:

Bolaıyqshy osyndaı
Sózi men ánin jazǵan: A. Meńjanova
Jaqsy bala eńbekshil
Er azamat bolady.
Qıyndyqty jeńip kil,
Qushaǵy gúlge tolady.
Qaıyrmasy:
Eńbekshil osyndaı,
Bolaıyqshy, dosym - aı
Taza bala muntazdaı,
Súısinedi qaraǵan,
Uqypty dep bul qandaı,
Jaqsy kórer bar adam.

Áńgimelesý (3 - slaıd)
Muǵalim sabaqtyń taqyrybyn tanystyrý maqsatynda áńgimelesý júrgizedi.
* Eńbek adamǵa ne úshin qajet dep oılaısyńdar?
* Eńbekqor dep qandaı adamdy aıtamyz?
* Ózderiń eńbektiń qaı túrimen aınalysqandy unatasyńdar?
* Adamǵa ómir súrý úshin eń aldymen ne qajet dep oılaısyńdar?
Balalardyń jaýaptary.
- Durys aıtasyńdar! Aýa, sý, taǵam. Aýa, sý - tabıǵattyń adamǵa bergen syıy. Al taǵam degende birden eske túsetini - nan. Nan eńbekpen keledi. Osy taǵamnan basqa da adamnyń ómir súrýine qajetti kıim, bilim, úı, onyń ishin qajetti zattarmen toltyrý, densaýlyǵyn saqtaý bári, bári, bári de eńbekpen keledi.
Tapsyrma (juppen jumys)
Muǵalim oqýlyqta berilgen sýretterge qarap, eńbektiń túrlerin anyqtaý úshin balalarǵa tapsyrma beredi. (2 oqýshyǵa 1 sýretten beriledi)
Mátinmen jumys (4 - slaıd)
Muǵalim eńbektiń mańyzyn túsindirý úshin oqýlyqta berilgen B. Ádilovtyń «Eńbeksiz ómir - súreńsiz» degen mysal áńgimesin oqyp beredi. Balalar suraq boıynsha óz oılaryn aıtady.
Balalarǵa dápterdiń sońynda berilgen «Meniń dáıeksózderim» aıdaryndaǵy búgingi sabaqtyń taqyryby kórsetilgen betke osy dáıeksózdi jazady. (5 - slaıd)
Sahnalaý
Eńbektiń adam ómirindegi mánin róldik oryndaýlar arqyly túsindirý úshin sahnalaý tásili qoldanylady.
Úsh oqýshy (avtor, qýyrshaq, baýyrsaq) rólderde óleńdi mánerlep oqıdy.
Qaıdan keldiń baýyrsaq?
Ó. Turmanjanov
Dastarhanda shashylyp,
Jatty appaq baýyrsaq.
Baýyrsaqqa qyzyǵyp,
Qarap turyp kózin sap:
- Qaıdan keldiń baýyrsaq?-
Dep surady qýyrshaq.
- Dúkennen keldim
Nan satqan,-
Dedi oǵan baýyrsaq.
- Dúkenge keldiń qaı jaqtan?
- Naýbaıdan keldim nan jaqtan.
- Naýbaıǵa keldiń qaı jaqtan?
- Dıirmennen keldim un tartqan.
- Dıirmenge keldiń qaı jaqtan?
- Daladan keldim keń jatqan.
Jer - anam meniń kósilgen,
Dıqandar meni ósirgen.

Oqýlyqtaǵy sýretter boıynsha(jaıýly dastarhan ústinde shashylyp jatqan baýyrsaqtyń, nan dúkeni sórelerindegi neshe túrli nandardyń, nan jaýyp turǵan naýbaıshynyń, dıirmenniń, egis dalasynyń) oqýshylar eńbektiń adam ómirindegi mańyzy týraly «Nan dastarhanǵa qandaı eńbekpen k eledi?»- degen suraq aıasynda shyǵyp sóıleıdi.
«Nan dastarhanǵa qalaı keldi?» (6 - slaıd) (bıdaı, naýbaıhana, dúken sóreleri, baýyrsaq pisirip turǵan ájeniń sýretteri)
Sergitý sáti. (7 - slaıd) «Baýyrsaq» ertegisi boıynsha bı qımyldaryn jasaý.
Dáptermen jumys
Muǵalim oqýshylarǵa dáptermen jumysty oryndaý joldaryn túsindiredi.
«Eńbek - baqyt bastaýy» taqyrybynda áńgime jazyńdar.
Shyǵarmashylyq jumys.
«Eńbekqorlar elin» bezendirý. Oqýshylar jemister men kókónisterdiń sýretterin salyp, qıyp, japsyryp, baqshany gúldendiredi.
Júrekten - júrekke (8 - slaıd) 2 - synyp oqýshylarynyń sýreti.
Oqýshylar muǵalimmen birge sheńber quryp, bir - birine júrekjardy tilekterin aıtady