InfoHub Logo

Taqyryby: Eńbek túbi – bereke
Maqsaty:
1. Oqýshylardy maqal - mátelderdiń maǵynasyn túsinýge, olardy aıta bilýge úıretý.
2. Tilderin ushtaý, sheshendikke baýlý.
3. Eńbeksúıgishtikke tárbıeleý.
Kórnekilik:
Maqal - mátelder, naqyl sózder: «Jaqsy jumys – janǵa tynys», «Eńbek túbi – zeınet», «Eńbeksiz ómir – sóngen ómir», jumbaqtar.
Júrý barysy:
Muǵalim: «Júzdiń kórki – kóz, aýyz kórki – sóz, sózdiń kórki – maqal», – deıdi halyq. Maqaldar adam turmysyndaǵy ár túrli oqıǵalardy qysqa, tujyrymdy tilmen túsindiredi, oıdy ajarlaıdy. Sondyqtan da halyq sózdiń kórki – maqal dep baǵalaǵan. Al maqaldar sózdiń kórki ǵana emes, sonymen birge halyq ómiriniń shejiresi.

1 - oqýshy: Meır. Maǵjan:
Eńbek muratqa jetkizer,
Jalqaýlyq abyroıdy ketkizer

2 – oqýshy: Aıgúl:
Saqalyn satqan káriden,
Eńbegin satqan bala artyq.

3 – oqýshy: Uljan:.
Eńbektiń kózin tapqan,
Baılyqtyń ózin tabady.

4 – oqýshy: Altynbek:
Eńbek etpeseń elge ókpeleme,
Egin ekpeseń, jerge ókpeleme.

5 – oqýshy: Móldir:
Erinbeseń, eńbegiń ónedi.

6 - oqýshy: Aqsulý
1. Eńbeksiz mal dámetken – qaıyrshylyq.
2. Eńbekten qashqan, dóńbekke jolyǵady.
3. Eńbek etpegen azady..
4. Qoly qımyldaǵannyń aýzy qımyldaıdy.
5. Beınetiń qatty bolsa, tatqanyń tátti bolar.

3 - oqýshy: Maǵjan:
1. Oraıy kelse, oraq or,
Kezi kelse, ketpen shap.
2. Eńbek – adamnyń ekinshi anasy.
3. Erinbegen etikshi bolady.
4. Kerek tastyń aýyrlyǵy joq.
5. Eńbekke úırenem deseń, erinbe.
Ónerge úırenem deseń, jerinbe.
Kelesi aınalym: Júrgizýshi maqaldyń alǵashqy jolyn oqıdy, ári qaraı oıynǵa qatysýshylar qolyn kóterip jalǵastyrady.
1. Eńbegiń qatty bolsa,…(tatqanyń tátti bolar).
2. Eńbek túbi – bereke,…(kóptiń túbi – bereke).
3. İstegeniń elińe jaqsy,…(úırengeniń ózińe jaqsy).
4. Otyndy shapqanǵa jaqtyr,…(maldy tapqanǵa baqtyr).
5. Ekseń egin,…(ishersiń tegin).
6. Etik tige almaǵan,…(biz tańdaıdy).
7. Kóseýi qysqanyń,…(qoly kúıer).
8. Bergen – alar,…(ekken – orar).
9. Eńbek etseń erinbeı,…(toıady qarnyń tilenbeı).
Eń az upaı alǵan oıynshy oıynnan shyǵady.
Ekinshi aınalym: Eki oıynshynyń bireýi maqal aıtady. Ekinshisi sonyń ishindegi bir sózge maqal aıtady. Sosyn kezektesedi. Múdirgen oqýshy jeńiledi.

1 - oqýshy: Beknur:
Eńbek et te maqtan,
Oınap kúl de shattan.

2 - oqýshy: Jaras:
Oınap sóıleseń de, oılap sóıle.

2 - oqýshy: Dınara:
Erdiń atyn eńbek shyǵarar.

1 - oqýshy: Asylaı:
Erdi namys óltiredi,
Qoıandy qamys óltiredi.
1 - oqýshy: Mádına:
Erinbeseń eńbegiń ónedi.

2 - oqýshy: Tańsholpan:
Eńbegi kóptiń ónbegi kóp.

2 - oqýshy: Aqyrys:
Jeri semizdiń – maly semiz.

1 - oqýshy: Meırambek:
Mal ósirseń, qoı ósir,
Paıdasy onyń kól - kósir.

Oıyn sońynda jeńimpaz anyqtalyp, oǵan syılyqtar tapsyrylady.
Muǵalim: Sonymen oqýshylar, maqaldyń ómirsheńdigi men qoldaný aıasynyń keńdiginiń syry nede? Árıne, tildiń kórkemdigi men mazmunynyń tereńdiginde. Az sózben kóp maǵyna beretindiginde. Osymen «Eńbek túbi – bereke» atty tárbıe saǵatymyz aıaqtaldy. Zeıin qoıyp tyńdaǵandaryńyzǵa rahmet!