InfoHub Logo

QR Bilim jáne ǵylym mınıstri Erlan Saǵadıev ata-analardyń qansha paıyzy mektep jınalysyna baratyndyǵyn jarıa etti.

Atap aıtqanda, «Nur Otan» partıasynyń respýblıkalyq qabyldaý bólmesinde mınıstr azamattardy jeke qabyldady. Onda «Ákeler odaǵy» qoǵamdyq birlestiginiń tóraǵasy Qýanysh Jumataev ákelerdi mektepter janyndaǵy qamqorshylyq keńesterine qosý bastamasyn kóterdi.

«Odaq basshysy turǵysynda ǵana emes, sonymen qatar eń bastysy áke retinde de balamnyń mekteptegi ómirine belsendi aralasqym keledi. Onyń oqý úlgerimin baqylap, muǵalimder men dırektorlardy irikteý sharalaryna qatysýǵa, oqýshylardyń bos ýaqytynda aınalysatyn sharalaryn uıymdastyrýǵa múddelimin», - dedi Jumataev.

Óz kezeginde E. Saǵadıev «ákeler» ótinishi qoldaýǵa laıyqty bastama ekenin aıta kele, bul ıdeıa muǵalimder men ata-analar qarym-qatynasyn jaqsarta túsendigin jetkizdi.

«QR BǴM málimetine qaraǵanda, Qazaqstandaǵy ata-analardyń tek 10 paıyzy ǵana mekteptegi jınalysqa barady. Mamyrdyń aıaǵyna qaraı elimiz boıynsha Ata-analar jınalysynyń biryńǵaı kúnin uıymdastyrýdy usynamyn. Osy oraıda BAQ-ta jappaı habar taratý turǵysynda jumys júrgizý úshin Úkimetke tıisti ıdeıany jetkizbekpin. Ata-analar oqýshynyń ómirine belsendi túrde qatysqany durys»,-dep atap ótti vedomstvo basshysy.

---