1 % erejesi: nege bireýler bárine ıe bolady, al basqalar qur qol qalady?
10 ese baı ári tabysty bolý úshin 10 ese artyq jumys istep, tumsyqtan tirelýdiń keregi joq. Bar bolǵany 1% erejesin qoldanyńyz, — dep keńes beredi áıgili bloger Djeıms Klır.
Djeıms Klır
Amerıkalyq bloger, kásipker jáne sportshy. İs áreket, daǵdynyń qalyptasýy jáne ózin-ózi jetildirý psıhologıasy týraly jazady.
Shoǵyrlaný kúshiniń artyqshylyǵy
Qatar ósip turǵan eki aǵashty elestetińizshi. Olar kún saıyn kún nury men ylǵal úshin talasady. Eger bir aǵash ekinshisine qaraǵanda sál jyldamyraq ósse onda ol kúndi de, jańbyrdy da kóp alady. Kelesi kúni osy alǵan qosymsha qýaty arqyly ol taǵy da bıikteıdi. Ýaqyt óte kele ol ekinshi aǵashty tasada qaldyryp, kún nuryn da, topyraqtyń qunaryn da molynan alatyn bolady. Mundaı aǵashtyń jemisi de kóp bolady. Demek, osy aǵash túriniń kelesi urpaqtary da úlken-úlken bolady. Bul úrdis áý basta básekelesinen sál ǵana jaqsy bolǵan aǵash búkil ormannyń jartysyna jaıylǵansha jalǵasa beredi.
Kishkentaı ǵana artyqshylyqtyń ýaqyt óte kele artýyn ǵalymdar shoǵyrlaný artyqshylyǵy dep ataıdy.
Jeńimpaz bárine ıe bolady
Adamdarmen solaı bolady. Ormandaǵy aǵash sıaqty biz ádette bir nárse úshin básekelesemiz. Saıasatkerler saılaýshylardyń daýysy úshin jarysady, jazýshylar – bestsellerler tizimindegi oryn úshin, sportshylar – altyn alqa úshin, kompanıalar – áleýetti klıentter úshin, telearnalar – bizdiń nazarymyz ben ýaqyt úshin talasqa túsedi. Qaıtarym kezindegi az ǵana aıyrmashylyqtyń ózi esepsiz syıǵa keneltetin áserdi «Jeńimpaz bárine ıe bolady» áseri dep ataıdy.
100 % marapatqa ıe bolý úshin bar bolǵany bir paıyzǵa, bir sekýndqa, bir teńgege artyqshylyq berý jetkilikti.
Shektelgen resýrstarǵa, mysaly aqsha men ýaqytqa, baılanysty kez-kelgen sheshim tabıǵı túrde jeńimpazdyń bárine ıe bolýyna ákeledi.
Jeńimpaz kóp bólikke ıe bolady.
Jeke jarystyrǵa tán «Jeńimpaz bárine ıe bolady» áseri ómirdiń basqa salalarynda «Jeńimpaz kóp bólikke ıe bolady» degen áserdiń paıda bolýyna ákeledi.
Paıdaly jaǵdaıǵa (altyn medal alý nemese dırektordyń ornyna otyrý) tap bolǵan jeńimpaz taǵy da jeńisterge jetýge kómektesetin artyqshylyqtardy jınaı bastaıdy. Bastapqyda sál saǵan serpilis bolǵan nárse endi úlkeıip 20/80 erejesine aınalady.
Birnársedegi jeńis ekinshi nársedegi jeńistiń múmkindigin arttyrady. Al qalǵan jeńistiń bári jeńimpazdyń jaǵdaıyn jaqsarta túsedi.
Ýaqyt óte kele marapat pen artyqshylyqtyń bári bastapqyda básekelesterinen az ǵana artyqshylyqqa ıe bolǵan adamǵa tıeseli bolady. Al sál ǵana artta qalǵanda qur qol qalady. Bul qaǵıda Matfeı áseri dep te atalady.
Al endi maqala basynda qoıylǵan suraqqa keleıik. Nelikten keıbir adamdar men uıymdar ǵana artyqshylyqtar men jaqsylyqtardyń kóp bóligine ıe bolady?
Bir paıyz erejesi
Jumystaǵy az ǵana aıyrmashylyqtyń ózi ýaqyt óte kele artyqshylyqtardyń teńdeı bólinbeýine alyp kelýi múmkin. Sol sebepti durys daǵdylar óte mańyzdy bolyp keledi.
Básekelesińizden 1% ǵana artyq bolsańyz bolǵany. Eger osyny búgin, erteń, kún saıyn arttyryp otyrsańyz, sol artyqshylyqtyń arqasynda jeńiske jetetin bolasyz. Jáne árbir jeńis jaqsy nátıjelerdiń bastaýy bola bermek.
1% erejesi degenimiz osy. Eki ese artyq alý úshin eki ese artyq bolýdyń keregi joq. Tek 1% artyq bolsańyz bolǵany.
You Might Also Like
-
Sandaǵan jyldar boıy keńestik kezeńniń shilterli shymyldyǵy óskeleń urpaqtyń kózinen tasa, sanasynan aýlaq ustaýǵa tyrysqan. Shákárim Qudaıberdiulynyń esimi ádebıet álemine qaıta oralýy, onyń shyǵarmash...
