InfoHub Logo

Bir kúni Qoja bir qazdy tutas pisirip, patshaǵa ákele jatady. Jolda qarny ashyp, bir tasa jerde turyp, qazdyń bir sanyn qyzyl óńeshinen ary asyryp jiberedi. Patshanyń aldyna kelip, qol qýsyryp, aldıarlap, ákelgen taǵamyn usynady.

Temir qazdyń bir sıraǵynyń joqtyǵyn baıqap, bul qalaı dep Qojadan suraıdy. Qoja:

— Bizdiń Aqsháhar qazdary kileń syńar aıaqty bolady, — deıdi. — Nanbasań, ana qudyq basynda turǵan qazdarǵa qarashy.

Shynynda, sol kezde qudyq basynda bir top qaz kún kózine jylynyp, bári bir aıaǵyn baýyryna basyp, qalǵyp tursa kerek. Patsha qazdardy kórip, nanar-nanbasyn bile almaı, terezeden qarap tura beredi.

Sol kezde kóshede kenet baraban soǵylyp, kerneı oınalady, jerdi-kókti kúńirentken daýystan qazdar shoshyp, jerge kirip kete jazdap aınala júgiredi. Temir Qojany qasyna shaqyryp ap:

— Qoja, ótirik aıtypsyń ǵoı. Áne, qara, qazdardyń eki aıaǵy da bar eken ǵoı, — deıdi.

Sonda Qoja:

— Ana baraban taıaǵy arqańa tıse, sen tórt aıaqtap ketersiń, — depti.

---