InfoHub Logo

Bir kúni Qojanasyr úlken tabaqqa úsh órik salyp Temirge syılyq dep ákele jatady. Órik árli-berli domalap, tabaqqa turmaıdy.

— Tyrp etpeńder, tynysh otyryńdar, áıtpese jep qoıam, — dese de bolmaıdy, órikter burynǵysynsha sekeńdep qozǵala beredi. Ashýlanǵan Qoja eki órikti jep alyp, Temirge bireýin ǵana ákeledi. Aqsaq Temir qatty rıza bolyp, Qojanyń tabaǵyna kóp aqsha salyp berip qaıtarady.

Arada birneshe kún ótken soń Qoja kárzeńkege qyzylsha salyp ap, taǵy da patshaǵa ákele jatady. Jol-jónekeı bir tanys adamy kezdesip, Qojanyń Temirge qyzylsha ákele jatqanyn bilgen soń, ol:

— Qyzylshany tasta, ınjir aparyp ber, burynǵysynan da qatty razy bolyp, qýanady, — deıdi.

Qoja áreń degende birneshe qadaq ınjir taýyp alyp, Temirge alyp keledi.

Temirdiń jarlyǵyn oryndap, nókerleri ózi ákelgen ınjirin Qojanyń ózine laqtyra bastaıdy. Basyna ınjir tıgen saıyn Qoja:

— O, táýbe, jasaǵan, álgi aıtylǵan aqyldyń syryn jańa túsindim ǵoı, — deı berse kerek. Aqsaq Temir kóregen Qojanyń sózin estip qaldy:

— Qoja, nege sonsha táýbeshil bolyp kettiń? — dep suraıdy.

Sonda Qoja:

— Taqsyr, men saǵan kárzeńkege salyp qyzylsha ákele jatqanmyn, jolda bir adam aparma dep tastatqan edi. Alda-jalda qyzylshany ákelsem, meniń kórgen kúnim ıe bolmaq? Kózim shyǵyp, basym jarylyp, saý tamtyǵym qalmas edi, — depti.

---