InfoHub Logo

Táýelsizdik - degen sózdi estigende eń aldymen kóz aldymyzǵa baıtaq álem, ashyq aspan, sol ashyq aspan astynda ómir súrip jatqan halyqty elestetýge bolady. Táýelsizdik sóziniń ózi úlken abyroı, kóp kúsh - jigerdi, qaısarlyq pen batyldyqty dáripteıtin dúnıe. Árıne, osy tusta eń aldymen qazaqtyń qaısar batyr babalary esimizge túseri anyq. Sebebi osy táýelsizdiktiń aýasyn jutyp sonymen ómir súrip júrgenimiz batyr babalarymyzdyń arqasynda ekeni sózsiz. Táýelsizdik sózin nemese uǵymyn ár adam ártúrli qabyldap ártúrli oı men kózqaras bildirýi múmkin. Al, meniń túsinigimmen táýelsizdik ol qandaı?                                                              

Qazaq halqynyń  táýelsiz el bolýyna deıingi ǵumyry qandaı qıyn boldy deseńshi. Rasynda buryn ata-babalarymyz táýelsiz halyq bolýdy ańsap, sol táýelsizdik jolynda eshteńege qaramastan kúresip óz jandaryn qurban etti. Sebebi bul táýelsizdikti alý eshqashan ońaılyqpen kelmegen, bul batyr babalarymyzdyń tókken qanymen shaıqastaǵy erlikteriniń nátıjesimen teń.

Táýelsizdikti armandap ketken babalarymyzdyń ómirimen qazir bizder ómir súrýdemiz. Olardyń basty armany tek soǵysta jeńiske jetip, ózderiniń basqalarǵa bodandyǵynan qutylý emes kerisinshe, sol táýeldilikten máńgi azat bolý, ashyq aspan astynda máńgi birge eshkimniń yqtıarynda júrmeı halqynyń táýelsiz el bolýy edi. Sondaı-aq osy táýelsizdikti bizge ózderiniń asyl amanaty etip qaldyrdy.

Aty ańyzǵa aınalǵan bul táýelsizdigimizdiń tarıhynda nebir batyrlyq dastandary men oqıǵalary máńgi óshpes jazýlarmen jazylǵan. Olar biz úshin eshqashan óshpeıtin mura bolmaq. Sebebi bul árbir qazaq bilýge tıisti úlken tarıh. Meniń túsinigimmen táýelsizdik bul, tátti arman, sol armanǵa jetý jolyndaǵy batyrlyq pen sátti nátıje. Men osy táýelsizdik uǵymyn osyndaı teńeý sózdermen sıpattar edim. Óıtkeni táýelsizdiktiń sol zamandarda ata-babalarymyzǵa arman bolǵany jalǵan emes. Alaıda atalarymyz bundaı oımen ómir súrip júre bermeı áreket etip, ózderiniń qasyq qany qalǵansha shaıqasqa tústi. Osy tusta «Talasqa tússe jan men tý, jan emes maǵan keregi, kók týdyń jelbiregeni», - degen óleń joldary batyr babalarymyzdyń jasaǵan erlikterine dáıek bolary sózsiz.

Qorytyndylaı kele, meniń túsinigimmen táýelsizdik uǵymy osy aıtylǵan qundylyqtarmen ólshenedi. Táýelsizdik ol- máńgi baqyt, taýsylmas jyr-dastan, óshpes tarıh. Al onyń tuǵyry máńgi berik bolyp jalǵasýy bizge baılanysty. Atadan balaǵa taraǵan qundy syıdy saqtap ony ári qaraı jalǵastyrý bizge berilgen paryz sondaı-aq asyl mura.

Amangeldi Zeınep Beıbitqyzy

---