InfoHub Logo

KTK «Fızıka betterinen úzindi»
Oıynǵa túsinikteme:
1. Oıynǵa «Jaryq» jáne «Dybys» atty eki top qatysady.
2. Ár topta 7 oqýshydan
3. Toptardyń tósbelgileri
4. «Dybys» toby saıysqa shyǵarda toptyń atyna saı dybys shyǵaratyn quraldarmen mýzykalyq kórkemdeıdi.(qasyqtarmen mýzykalyq áýen oınaıdy jáne t. b.)
5. «Jaryq» toby ártúrli jaryq kózderimen shyǵady.(Top basshysy «Kúnmen», top músheleri maı sham, kerosın lampasy, fakel, fonar jáne taǵy basqa zattardy ustap shyǵady)

Júrgizýshi:
Shaqyramyz kelińder jarysýǵa,
Kúsh óner bilimmenen alysýǵa.
Bar ónerdi salaıyq ortamyzǵa,
Qanekı, kim shyǵady saıysýǵa - dep, ortaǵa saıyskerlerdi shaqyramyz.

«Dybys» komandasynyń urany.
Tereńde jatqan asyl tas,
Sý tolqysa shyǵady.
Tereńde jatqan asyl sóz,
Oı tolqysa shyǵady.

«Jaryq» komandasynyń urany:
Bilimdiniń kúni jaryq,
Bilimsizdiń kúni kárip.

Júrgizýshi: Endigi kezek tanystyrýǵa beriledi.
«Dybys» komandasynyń tanystyrýy.
Dybys degen toppyz,
Jeńilip kórgen joqpyz.
Dybys sıaqty taralamyz,
4 - 5 degen baǵa alamyz.
Ádil qazy ádil baǵa beredi
Bul saıysta sap etemiz ónerdi.
Jankúıler jan daýyspen qostasa,
Shabytymyz sharyqtap ketedi.
Bul saıysta jeńilemiz demeıik.
Shyńyna jetip bilimniń
Ustazdardy qýanyshqa bóleıik.

«Jaryq» komandasynyń tanystyrýy:
Jalyn men ottan jaralyp,
Jarqyldap biz de kep qaldyq.
Jylýdy jerge taratyp
Saıysamyz top jaryp.
Basymyzdy bult shalsa,
Dostarymyz kóp bolsyn.
Ádil baǵa beretin,
Qazylarym den qoısyn.
Júrgizýshi: Adam tabıǵattyń tóresi, ámirshisi, padıshasy bolý úshin jaralǵan. Al biz tabıǵat syrlaryn qanshalyqty biletinimizdi dáleldeý úshin myna óleń joldarynyń avtorlary kim ekenin taýyp kóreıik?

«Dybys» komandasyna qoıylatyn suraq:
«Dem alysy úskirik, aıaz ben qar,
Kári qudań qys kelip, álek saldy.»
(Abaı)
«Jaryq» komandasyna qoıylatyn suraq:
«Jelsiz túnde jaryq aı,
Sáýlesi sýda dirildep».
(Abaı)