InfoHub Logo

(Ómirderegi men shyǵarmalarynyń anyqtamasy)

Qurastyrýshylar: Ǵalym Qadiráliuly, Qaırolla Muqanov, Sosıal Jumabaev.

Ǵabıt Músirepovtyń Qozy Kórpesh — Baıan sulý týyndysy qazaq dramatýrgıasynyń ǵana emes, bar qazaq ádebıetiniń kórkem shyǵarma týǵyzý jolyndaǵy bıik belesiniń biri.

Muhtar Áýezov

Músirepov bolsa qashanda tańdaýǵa laıyq tulǵa!

Ábdijámil Nurpeıisov

Ǵabıt Músirepov — ardaqty at! Músirepov týraly myń sózden Músirepov degen bir sózdiń maǵynasy áldeqaıda tereń, mazmuny áldeqaıda baı. Demek, Músirepovti maqtaýdyń keregi joq. Músirepovpen maqtaný kerek!

Zeınolla Qabdolov

Ǵabıt Músirepov ózin de, ózgeni de qaıtalamaıdy.

Táken Álimqulov

Qazaq sóz zergerleriniń ishinde Músirepovtiń qaıtalanbas jazýshylyq qoltańbasy erekshe. Stıliniń ásemdigi, dáldigi, tiliniń nárliligi, názik ıýmory men asa baıqampazdyǵy -búkil bir urpaqqa úlgi.

Tahaýı Ahtanov

Músirepov qandaı jańa qubylysty, qandaı jańa adamdy jazsyn meıli, onyń túp-tórkinin halyqtyń óz boıynan tabady; qandaı óreli problema kótersin meıli, halyqtyń óz kókireginen izdeıdi.

Ábish Kekilbaev

Onyń kitaptary naǵyz darynnyń qoltańbasymen jáne názik talǵampazdyǵymen erekshelenedi. Olar halyq ómirine, ınternasıonalızmge shynaıy boılaǵan.

Ivan Shýhov

Onyń kórikti sózinde otty, serpindi romantıka men ǵajap realızm únemi astarlasyp otyrypty. Sondyqtan da, biz onyń shyǵarmalaryn qashanda úlken oljadaı, qymbat shashýdaı qabyldap kelemiz .

Ábdilda Tájibaev

Áli de talaı-talaı zamandar ótedi. Talaı - talaı tolqyndar kezekpen aýysyp, talaı-talaı urpaqtar keledi. Sol kezde halqymyzdyń osy bir tustaǵy bel-belesine úńiler adam bolsa, Músirepov shyǵarmalaryna soqpaı kete almaıtyny aıdan anyq-

Safýan Shaımerdenov

Ǵabıt Músirepov — bizdiń sovettik qazaq ádebıetiniń týý, ósý, órkendeý prosesiniń bar kezeńine kýá ǵana bolyp qoımaı, onyń buryn bar, buryn joq salalarynyń bár- bárisin damytýǵa, bastaýǵa, týǵyzýǵa qatynasqanyn, sonyń eń kúshti qaıratkerleriniń biri, áýel bastan-aq soǵan aǵa bolyp týǵan, basshysy bolyp kele jatqan kemel jazýshy, keń tynysty talant ıesi.

Ǵafý Qaıyrbekov

---