InfoHub Logo

Ǵalamtor - álemdi jaýlaǵan alpaýyt kúsh. Qazirgi álem ǵalamtormen tikeleı baılanysty. Ǵalamtor quddy órmekshiniń tory sekildi, tutasqan álem. Qajetińdi aldyńa lezde qoıyp beretin adamzattyń jetken ǵajaıyp jetistikteriniń biri dersiz.

Ǵalamtor júıesiniń paıdaly jáne zıan tustary bary anyq. Olardyń barlyǵyn tizip shyǵý múmkin emes. Biraq jahandyq máselege aınalǵan birneshe mysaldar keltirýge bolady.

Birinshiden ǵalamtor jelisinde kúnińizdiń teń jartysyn ótkizesiz. Alaıda ony esh baıqamaısyz.Osylaısha qanshama jandar óz ýaqyttarynyń qadirin joǵaltýda.

Sonymen qatar bizdiń zamanymyzda bolyp jatqan keıbir qaryn ashytarlyq jaıttarda osy ǵalamtordyń nátıjesi. Jasóspirimderdiń mıyn ýlaǵan, túkke turǵysyz qosymshalardy da jasyryp qalý múmkin emes. Qanshama jetkinshekterdi ólimge ıtermelegen jaıttar da boldy. Keı balalardyń adam aıtsa nanǵysyz ózerýi de osy ǵalamtor jemisi bolar.

Alaıda ǵalamtor tek zıandy tustan turmaıtyny da belgili. Qazirgi kezde kóptegen adamdardyń jumystary osy ǵylym jetistigine  tikeleı baılanysty. Ǵalamtordyń ǵajaıyp kómegimen óz nápáqasyn taýyp júrgender qanshama. Iaǵnı burynǵy kezdegideı jumys tabaldyryǵyn tozdyrmaı aq, úıden shyqpaı jumys jasaýǵa múmkindik bar ekenine kózimiz anyq jetti. Sonymen qatar paıdaly, qoljetimdi aqparattar. Muny biz ádette zaman jetistigi dep ataımyz.

Ǵalamtor quddy úńgir sekildi. Bergi beti jaryq, alaıda ary qaraı barǵan saıyn túbine jetpeıtin qarańǵylyq. Bul ǵylym jetistigi qolymyzǵa berilgen alpaýyt kúsh. Paıdalana bilgen adamǵa marjan, al bilmegenge tas qurly tatymy joq.

---