InfoHub Logo

Men Almaty qalasynda ornalasqan Ál-Farabı atyndaǵy QazUÝ niń "ǵylymı matematıka" mamandyǵynyń, mehanıka- matematıka fakúltetiniń 1shi kýrs stýdentimin. Qazir osy ýnıversıtetti tańdaǵanyma qatty qýanamyn. Meniń mamandyǵym munda keremet oqytylady. Matematıka - kópshilikke qıyn ári túsiniksiz ǵylym bolar,  biraq men úshin bul óte qyzyqty jáne tártipti talap etetin ǵylym.

Ne úshin QazUÝ? Jyl saıyn barlyq 11 synyp túlekteri arasynda jaýapty jyl bolady: UBT tapsyrý, durys mamandyq tańdaý, memlekettik emtıhandar tapsyrý,  ýnıversıtet jáne qala tańdaý, ata- ana kóńilinen shyǵý. Osy joldan barlyq túlekter ótedi, sonyń qatarynda men de barmyn. Aldymda memleketimizdiń 100 den asa oqý oryndary turdy, árqaısysy ár qalada, ár aımaqta. Biraq QazUÝ meniń kózime birden tústi. Eń aldymen óziniń kóz tartarlyq kórinisimen jáne ǵımarattarymen. Bas rektorattyń alyp ǵımaratyn álemniń basqa esh jerimen shatastyra almaısyń, al Almatynyń taýlary bul kóriniske tek aıbyndylyqty qosady. Almatynyń taýlary bultsyz, ashyq aspandy kúni- ómirimdegi eń keremet kórinisterdiń biri. Bul kórinisti tamashalaýǵa eshqashan sharshamaspyn.

QazUÝ dy tańdaýymnyń kelesi sebebi - onyń reıtıń boıynsha alatyn joǵarǵy orny. QS WUR álemdik reıtıń boıynsha top-150 myqty ýnıversıtetterdiń qataryna kirdi. Al QS University Rankings reıtıńisinde Shyǵys Eýropa men Ortalyq Azıa memleketteri arasynda QazUÝ 200 orynnyń ishinde 11shi oryndy aldy. Eki reıtıń boıynsha da QazUÝ Qazaqstan jáne Ortalyq Azıa boıynsha eń joǵarǵy nátıjeni kórsetti. Demek, QazUÝ- Qazaqstandaǵy eń myqty ýnıversıtet desem qate bolmaıdy.

Kelesi sebepker - QazUÝ kópsalaly ýnıversıtet. Munda 16 fakúltet, 67 kafedra, 32 ǵylymı - zertteý ınstıtýttary men ortalyqtary sonymen qatar áskerı kafedrasy bar; 2 myńnan astam profesorlar, doktorlar, ǵylym kandıdattary, eń aýqymdy akademıalardan 100ge jýyq akademıkter jáne t.b. ataqty mamandar jumys jasaıdy. Qazir 67 mamandyq boıynsha 20 myńnan astam stýdent, magıstranttar men doktoranttar oqyp jatyr. Sonymen qatar 9 uıym jáne sporttyq- shyǵarmashylyq klýbtar stýdentterge óz ónerlerin tanytýǵa, bilimnen bólek jan-jaqty bolýǵa kómektesedi. Munda óziń sekildi stýdentter túrli is-sharalarǵa qatysý arqyly saǵan damýǵa jáne ashylýǵa yqpalyn tıgizdi. Álemniń 418 JOO men baılanystyń arqasynda bizdiń stýdentter shet eldiń ýnıversıtetterine tájirıbe alýǵa, stýdent almasýǵa, ortaq jobalar jasaýǵa bara alady. Sonymen qatar QazUÝda basqa elderden kelgen stýdentter oqýǵa keledi: Úndistan, Afrıka, Qytaı jáne t.b. TMD memleketterinen stýdentter oqýǵa keledi. Munyń ózin úlken múmkindik dep kóremin: shet eldik stýdentter úshin - sapaly bilim alý, Qazaqstandyq stýdentter úshin- shet el stýdentterimen tanysý, jańa dostar tabý, shet elderdiń mádenıetimen tanysý.

QazUÝ - men úshin eń keremet ýnıversıtet. 1 jyl burynǵy ómirim jáne qazirgi ómirimde úlken aıyrmashylyqtar bar. Munda túrli ult ókilderimen, Qazaqstannyń túkpir túkpirinen oqý izdep jınalǵan stýdentterimen jaqsy qarym- qatynastamyn. Áıgili profesorlardan jáne bilikti oqytýshylardan bilim úırenemin. Eriktiler uıymymen jobalar uıymdastyryp, qaıyrymdylyq jasap, álemdi jaqsy jaqqa ózgertýge kishkentaı bolsyn óz úlesimdi qosýdamyn.  Budan artyq keshegi túlek úshin qandaı baqyt kerek?

Oryndaǵan: QazUÝ ýnıversıtetiniń mehanıka-matematıka fakúltetiniń 1shi kýrs stýdenti Seısenbekova Juldyzaı

Jetekshisi: aǵa oqytýshysy Ýrazgalıeva Svetlana Amanjolovna

---