InfoHub Logo

Ár adam ómirde eki úlken tańdaýdan ótedi. Birinshisi-mamandyq tańdaý bolsa, ekinshisi-jar tańdaý. Mamandyq tańdaý óziń aınalysqyń keletin isti tańdaý ǵana emes, óziń aralasatyn ortany, ózińniń barlyq talantyńdy ashatyn múmkindikti tańdaý bolyp tabylady. Sondyqtan  mamandyqqa tórt jyl ómirin arnaıtyn stýdent mamandyq tańdaýda qatelespeýi kerek. Men de óz tańdaýymda 11 jyl boıy saralap kelgen mamandyqty tańdadym. Meniń mamandyǵym ǵylymı matematıka. Bul mamandyqty armanymdaǵy Ál-Farabı atyndaǵy Qazaq Ulttyq Ýnıversıtetinde bilim alyp, meńgerip jatyrmyn. Ǵylym men ǵumyrdyń bulbuly atanǵan Ál-Farabı atyndaǵy ýnıversıtette oqý men úshin úlken mártebe.

Ábýnasyr Ál-Farabı-qasıetti Otyrar qalasynda dúnıe esigin ashyp, kúndiz baǵbandyqpen, keshke ǵylymmen shuǵyldanǵan, bar tapqan tıynyn kitapqa jumsaǵan, altyn men jibekke qyzyqpaǵan, túrki jurytynyń órkenıetin álemge tanytqan álemniń ekinshi ustazy. Ál-Farabıdiń danalyǵy men shyǵarmashylyǵy, baǵa jetpes eńbekteri óz qundylyǵyn joǵaltpaı áli kúnge deıin urpaqtan urpaqqa saqtalyp kele jatyr. Uly ǵalym atyndaǵy ýnıversıtet 1934 jyldan beri stýdentterdi bilimmen qamtamasyz etip, óz jumysyn joǵary deńgeıde atqarýda. Bul ýnıversıtette bilimniń nuryn, ǵylymnyń ǵumyryn kezip, óziniń dara jolyn qalaǵandar qanshama. Múmkindikterge toly QazUÝ qalashyǵynda árbir stýdent ǵylymnyń shyraǵyn jaǵamyn, jańalyq ashyp, úles qosamyn degen arman jeteginde júr. Al, sol armannyń oryndalýyna ýnıversıtettegi oqýǵa degen jaǵdaı, baza, ǵalymdarymyz jol ashady, damýǵa múmkindik beredi. Biz erteń bilimdi boıǵa sińirip, izdenip júrekke qabyldasaq, ǵylymnyń shyraǵyn jaǵa alamyz, eldiń damýyna óz úlesimizdi qosa alamyz. Jańa Qazaqstandy qurýǵa at salysatyn jastar bizder bolamyz.

QazUÝ álemdik ǵylymı bilim berý keńistigindegi joǵary deńgeıdegi ýnıversıtet. Maıkrsoft kompanıasy QazUÝ dyń sıfrlyq modelin úzdik tájirıbelerdiń biri retinde tanydy. Ýnıversıtette álemge áıgili joǵary tehnologıalyq korparasıalardyń ǵylymı bilim berý ortalyqtary ashylǵan. Ýnıversıtet kóptegen iri memlekettermen kelisimsharttar, qarym qatynastar jasaǵan. Sonymen qatar, QazUÝ-dyń shet elderde fılaldary jumys isteıdi, Qazaqstannyń basqa óńirlerinde Ál-Farabı fılaldary qyzmet kórsetedi. QazUÝ-da tek Qazaqstandyq azamattar ǵana emes ár túrli ult ókilderi bilim alýda. Olardyń joǵary deńgeıde bilim alyp, qalashyqtaǵy keremet atmosferany sezinýleri úshin barlyq jaǵdaılar jasalǵan. Olarmen birge bilim ala júrip, ár túrli tilderdi meńgerýge, ol ulttyń mádenıetimen, kórikti jerlerimen tanysýǵa, jalpy ultty tanýǵa úlken múmkindik alamyz. Stýdentterge ýaqyttaryn tıimdi ótkizýleri úshin túrli stýdenttik uıymdar jumys jasaıdy. Olardyń biri stýdentterdiń transporttyq jol kartasyn daıyndaıtyn, ashylmaǵan talanttaryn ashatyn, olarǵa barlyq jaǵynan kómektesetin «Suńqar» stýndentter men magıstranttar kásipodaǵy stdentterdiń áleýmettik ekonomıkalyq jáne quqyqtyq múddelerin, eńbek quqyǵyn qorǵaý boıynsha óz jumysyn atqarýda. Sonymen qatar, stýdentterdi jaqsy ister isteýge shaqyratyn «Kómek» qoǵamdyq qory, stýdentterdiń ózin-ózi basqarýdyń joǵarǵy organy «Stýdentter Senaty», jataqhana tazalyǵy men stýdentterdiń tynyshtyǵyn saqtap, merekelik is sharalardyń ótýin qadaǵalaıtyn «Stýdenttik keńes», «Altyn sapa» ıntellektýaldyq pikirsaıys klýby jáne t. b. uıymdar jumys jasaıdy. Bul uıymdar stýdentke jarqyn esteliktermen qyzyqty sátterdi berip, ǵylym men bilim jolynda aıanbaı eńbek etip, qoǵamda óz oryndaryn tulǵa retinde qalyptastyrýǵa jol ashady. Ýnıversıtette tarıhı, tanymal tulǵalarmen, shet eldik profesorlarmen birge túrli kezdesýler, konferensıalar, is sharalar  uıymdastyrylp turady. Osyndaı jarqyn júzdesýler stýentterdiń jan- jaqty damýyna, ózderine keńes pen tájirıbe jınaqtaýyna zor úlesin qosady. Stýdentterdi bilim nárimen sýsyndatatyn dara tulǵalar, bilikti oqytýshylar tek oqytyp ǵana qoımaı , Ál Farabıdiń «Tárbıesiz bergen bilim-adamzattyń qas jaýy» degen naqyl sózin basshylyqqa ala otyryp tárbıe berip, etıka men estetıkany saqtaýǵa, tártip pen uqyptylyqty saqtaýǵa, alǵan bilim men ǵylymdy minezben ushtastyrýǵa úıretedi. Ýnıversıtette stýdentterge sport, baseın keshenderimen, ár fakúltetke arnalǵan korpýstarmen, ashanalarmen, sabaqqa daıyndalatyn oryndarmen, dúkendermen, «Keremet» stýdentterge qyzmet kórsetý ortalyǵymen, ınternet ortalyǵymen, Ó. Joldasbekov atyndaǵy jastar saraıymen, búgingi kúni ashylǵan «Magnum daily» marketimen, Ál Farabı atyndaǵy kitaphanamen barlyq ýaqytyn únemdep, tıimdi ótkizetindeı jaǵdaı jasalǵan. Sonymen qatar, QazUÝ qalashyǵynyń tıimdi jerde ornalasqandyǵy da stýdentke taǵy bir múmkindiktiń ashylýy. Tańerteńgi taza aýa, taýlardyń ásem kórinisi, tıyndardyń súıkimdi qımyldary, tabıǵaty kelisken keremet kórinisti kún saıyn kórý jan tynyshtyǵynmen, rýhanı nár alýdy, tazarýdy beredi. QazUÝ jeri qazaqtyń keń baıtaq jerindeı keń, halqy qazaq halqyndaı kópultty.

Ár bir adam úshin erekshe kezeń stýdenttik ómirimdi QazUÝ jastarymen birge ótkizý úlken mártebe. Sebebi, olardyń  tárbıesi men dúnıetanymy erekshe, olar barlyq jaǵynan jetilgen, óz shabyttary men talanttaryn asha bilgen tulǵalar dep bilemin. Bolashaqta olar bilim men ǵylymnyń kóshbasshy, dara tulǵalary bolyp qalyptasyp, joǵary sapaly maman ıesi bolyp, kelekshek urpaqty bilim nárimen sýsyndatyp, Qazaqstannyń órkendeýi jolynda eńbek etip óshpes iz qaldyratynyna senimdimin. Qazaqstannyń bolashaǵy jastar bolǵandyqtan dara tulǵalardyń sara joldaryn jalǵastyryp, bilimniń bıik shyńyna shyǵyp, ulttyq mádenı kodty saqtap, eldiń damý jolynda úles qosýymyz úshin , bilimdi de sanaly bolýymyz mańyzdy. Yntymaǵy men aýyzbirshiligi jarasqan QazUÝ qalashyǵynda bilim alýǵa, stýdenttik ómirdiń qyzyǵy men keremet sátterin sezinýge barlyq bitirýshi túlekterdiń múmkindigi bar. Men de Ál-Farabıdiń dana, Abaıdyń dara jolyn jalǵastyryp, adamzat damýyna óz úlesimdi qosyp, Otanymnyń  gúldenýi jolynda jumys jasaımyn. «Bizdiń jolymyz ult birliginiń joly».

                                                                                                                                                                                                                        Tálip Shuǵyla

Mehanıka-matematıka fakúltetiniń 1 kýrs stýdenti
Jetekshisi: Ýrazgalıeva Svetlana

---