Ǵalymdarǵa ǵylymı ataǵy úshin qansha ústemeaqy tólenedi
Ǵylym jáne joǵary bilim mınıstrligi ǵalymdarǵa ǵylymı ataqtary úshin qansha ústemeaqy tólenetindigin jarıa etti.
Vedomstvo málimetine sáıkes, ǵylymı uıymdardyń qyzmetkerleri men ǵalymdarynyń laýazymdyq jalaqysyn jyl saıyn arttyrý kózdelgen. Máselen, 2023 jyldyń 1 qańtarynda ǵylymı uıymdar qyzmetkerleriniń laýazymdyq jalaqysy 18 paıyz artty. Munan bólek, 2024 jyldyń 1 qańtarynan taǵy 18 paıyzǵa, al 2025 jyldyń 1 qańtarynan 17 paıyzǵa kóbeıetin bolady.
«Sonymen qatar, «Qazaqstan Respýblıkasynyń ǵylym máseleleri jónindegi keıbir zańnamalyq aktilerine ózgertýler men tolyqtyrýlar engizý týraly» zań jobasynda kózdelgen norma aıasynda ǵylymı ataǵy bar ǵylymı qyzmetkerlerge ústemeaqy mólsherin arttyrý kózdelgen. 2023 jyldyń 18 sáýirinde ótken respýblıkalyq búdjettik komısıanyń sheshimimen qosymsha qarajat maquldandy», - dep atap ótedi mınıstrlik agenttiktiń resmı saýalyna oraı.
Sonymen, osy jyldan bastap ǵylymı ataq bolǵan kezde mynadaı mólsherde ústemaqy belgileý kózdelip otyr:
Ǵylym kandıdaty, fılosofıa doktory jáne beıini boıynsha doktor ǵylymı dárejesi bar qaýymdastyrylǵan profesor úshin 25 eselengen AEK (buryn 17 AEK);
Ǵylym doktory ǵylymı dárejesi bar qaýymdastyrylǵan profesor úshin 42 eselengen AEK (buryn 34 AEK);
Ǵylym kandıdaty, fılosofıa doktory, beıini boıynsha doktor, ǵylym doktory ǵylymı dárejesi bar profesor úshin 50 eselengen AEK (buryn 17 AEK).
You Might Also Like
-
Uly júzdiń shanyshqyly rýynda Berdiqoja degen batyr bolady. Ol óziniń jalǵyz ulyna Taýasardyń balasy (Taýasar — óteǵuldyń inisi óteptiń balasy) Maldybaı bıdiń qyzyn alyp berý nıetimen Maldybaı ...
-
1-synypqa qujattardy 1 sáýirden 1 tamyzǵa deıin ǵana qabyldaý normasy joıylmaq. Bul jaıynda Májilis depýtattarynyń saýalyna Oqý-aǵartý vıse-mınıstri Edil Ospanovtyń jaýabynda aıtylǵan.
