InfoHub Logo

(Jalǵasy)

...Tańǵa jýyq poezd Shalqar stansıasyna jaqyndap qalǵan. Ánekeń kýpege kirgende oıaý jatqan Álıa apaı basyn kóterdi. Eshteńe kerek emes pe dep suraǵysy kelip edi, tonometrin alyp, qan qysymyn ólshegeli jatqan soń kidirip qaldy.

— 60 ta 80 bolyp tur, túsip ketipti. Maǵan shaı bershi, — dedi. Shaıyn ishti de, tósegine qısaıdy.

— Uıqym kelmeı jatyr, gazetterdi ápershi, — dep edi, zaıyby qarsy boldy.

— Jaryq álsiz, gazetti qaıtesiń... Demalsańshy, — degenge qarsylaspady.

— Jaraıdy onda. Saǵat neshe boldy ózi? Tań qashan atady? — degen.

— Tań atyp qaldy. Saǵat tórt. Sen demala ber, men betimdi shaıyp keleıinshi, — dep, shyǵa qoıǵan. Basqa eshqandaı sóz aıtylmaǵan. Qaıtadan kelse, júrip bara jatyr eken...

... Álıa apaı endi sol bir sátterdi, sol kúngi aıtylǵan áńgimelerdi tegis esine túsirip kórgen, biraq kúdiktenerlikteı eshteńe tappady. Tek qana Qyzylordadan beri shyǵa bere kúnniń ysı bastaǵanyn aıtqan. Bireýler tańǵa jýyq bir-eki adammen tambýrda sóılesip, kúlisip turǵanyn kóripti. Kádimgi demalyp júrgen adamdardyń ózara emin-erkin pikirlesýi deıdi... Osylaısha alpys bes jasynda Ánes aǵamyz aıaq astynan, kútpegen jerden jónep kete berdi.

Bir kúni Álıa apaı maǵan mynadaı ótinish jasaǵan: Aǵańnyń búkil ómiri munaımen birge ótti ǵoı, tasyna jazylatyn sózderin óziniń sol ǵumyrlyq serik bolǵan munaıyna baılanystyryp jazyp bershi...

Sózderdi bylaısha jazyp edim:

Basqa ne dep aıtarsyń:

Qara jer bop jastyǵyń,

Tyńdap endi jatarsyń

Munaıyńnyń tasqynyn.

Armanyna jetkizgeı

Senen qalǵan ul-qyzdy.

Taǵdyr bıge tepkizbeı,

Jelep-jebep júr bizdi...

(zaıyby Álıa)

Topyraǵyń torqa bolsyn, Ánes aǵa. Meniń qolymnan kelgeni osy ǵana.

2000 jyl

---