InfoHub Logo

Barshańyzǵa Assalaýmaǵaleıkým!

Men Eńbekshiqazaq aýdany, Ál-Farabı atyndaǵy orta mekteptiń 9"A" synyp oqýshysy Ahatov Jambyl bolamyn. Mektepte barlyq is-sharalarǵa meılinshe kóp qatysyp, shamam kelgeninshe at salysýǵa tyrysamyn.

Búgingi tańda bárimizge belgili koronovırýs elimizde órship ketti. Bul indettiń aldyn alý maqsatynda talaı mamannyń bilek sybana, aıanbaı jumys istep jatqany bárimizge belgili. Elimizde aty jaman vırýs paıda bolǵaly beri kóp nárse ózgerdi. Barlyq jerler jabylyp, oqýshylar sabaǵyn toqtatty. Osyǵan oraı oqýshylar arasynda qashyqtyqtan oqytý júıesi de qoldanyla bastady. Muǵalimder jumystaryn toqtatpaı, shákirtteriniń bilimin shyńdaý maqsatynda úlken eńbek etýde. Áleýmettik jelilerdiń kómegimen bilim alý eshkimge asa qıyndyq týdyra qoıǵan joq, sebebi qazirgi XXI ǵasyrda ǵylym men tehnologıa jetik damyǵan. Oqýshylar da belsendilikterin joǵaltpaı, ózderin jaqsy qyrlarynan kórsetýde.

"Ustazdyq etken jalyqpas,
Úıretýden balaǵa. "-dep Abaı atamyz aıtpaqshy, muǵalimder qaı kezde bolsyn shákirtterin bilim nárimen sýsyndatýǵa daıyn. Úkimet tarapynan da kómekter aıalyp jatqan joq. Álemdi dir etkizgen bul vırýs eshkimge ońaı tıgen joq. Alaıda biz de barynsha bul indetten tez qutylý úshin aıanyp qalmaýymyz kerek. Ol úshin eń áýeli tártipke baǵynyp, úıde otyrýymyz kerek. Qashan da bolsyn basymyzǵa kelgen qıyndyqtardy jeńip shyǵarymyzǵa senemin.

Biz qazaq myń ólip, myń tirilgen ór rýhty halyqpyz. Eshqashan basyna kelgen synaqtarǵa moıymaı jeńe bilgen ata-babalarymyzdyń jolymen biz de bul jaǵdaıda sabyrly bolýymyz kerek. Urpaqtarǵa dástúr men dinimizdi dáriptep, birligimizden ajyramaı, syılastyǵymyz joıylmasa - alynbaıtyn qamal joq. Bul aty jaman indet elimizden bir jola joǵalyp, bárimiz burynǵy qalpymyzsha jaqsy ómir súrýge Alla násip etsin. Dárigerlerge ALLA kúsh qýat bersin. Qanshama dárigerler biz úshin jumysyn toqtatpaı, óz ómirlerinen ózgeniń ómirine kóbirek kóńil bólip, bul vırýspen kúresýde. Sondaı abzal jandarǵa qansha alǵys aıtsaq ta az.

Elimiz aman, jurtymyz tynysh bolsyn!

Jambyl Ahatov

---