InfoHub Logo

Keshe ǵana mektep tabaldyryǵyn attap, búginde úlken synypqa bet alyp otyrǵan barsha bastaýysh synyp oqýshylaryn jańa qadamdarymen quttyqtaımyz!

* * *
Bastaýysh synyp, mektebim,
Búgin,mine, qosh dedim.
Bilmeı qaldyq 4 jyldyń,
Qalaı zyrlap ótkenin.

* * *

Qosh bol, qutty bastaýysh,
Senen oqyp bastadym.
Bilim berdiń boıyma,
Nár aldy senen jas janym.

* * *

Jeteleıdi alǵa úmit,
Kúlimdeıdi tań kúlip.
Jol kórsettiń bizge sen,
Umytpaımyz máńgilik.

* * *

Bastaýyshtan kıeli,
Talaı daryn túledi.
Árbir bala ózińdi,
Esine alyp júredi.

* * *

Búgin mine jaqsy kún jarqyraǵan,
Kóńilder qýanyshtan sarqyraǵan.
Qoshtasatyn kún keldi bastaýyshpen,
Qıyndaý bolyp tur-aý búgin maǵan.
Keshe ǵana aldyma kelgen edi,
Imenip uly uıaǵa engen edi.
4 jyl boıy sýsyndap bilimmen,
Ushatyn qanat qaǵyp keldi kezi.

* * *

Men úshin báriń birdeı qaraqtarym,
Oryndalsyn arman tilek talaptaryń.
Aq paraqtaı keldińder sábı bolyp,
Uǵyndym, árbirińdi paraqtadym.
Ótkizdik talaı kúndi, talaı aıdy,
Ýaqyt syrǵyp artqa qaramaıdy.
4 jyl boıy sendermen birge boldym,
Ótkizdik talaı qyzyq, talaı jaıdy
İrge tasyn qaladym, bilim berdim,
Sanaly ul-qyzdarym búgin meniń.
Ortada turǵan osy shákirtterdiń,
Kóreıik tamashalap ónerlerin.

* * *
Mektebim, altyn uıam, nuryń jaryq,
Jaınattyń úmitimniń gúlin jaryp.
Súıkimdi seniń kúmis qońyraýyń,
Turady qulaǵymda syńǵyr qaǵyp.

* * *

Mektep úıim, ustazdarym, ata-anam,
Senen ósip, senen ǵana nár alam.
Saıań ystyq sen máýeli báıterek,
Tamyrlanyp san tarapqa taraǵan.
Mektebim – bilim berer altyn uıam,
Er jetip sende sózim, artty sanam.
Baılyǵan 4 jyl boıy ata-anamdaı,
Árqashan qasıetti atyń maǵan.
Arada ótse daǵy dúrkirep jyl,
Ár kúni balalyqtaı bir júrek bul.
Ózińe boryshtarmyn ómir boıy,
Eseıgen shákirtterdiń serti dep bil.

---