InfoHub Logo

Osy taıaýda ǵana "Jazýshy" baspasynan tasqa basylyp shyqqan "Partızan Qasym Qaısenov" deıtin kitaptaǵy osy attas ocherkińde Sáken Imanasov alǵash ret menimen tanysqany jaıly: "Qasym Qaısenovtiń syryna kópten anyq bol sam da tanysyp-bilisýdiń sáti alǵash ret 1970 jyldyń jazynda tústi. Taldyqorǵanda turatyn bizdiń úıge bir kúni keshtete Qasekeń bastap Ádilbek Abaıdildanov, orys aqyny Sergeı Kıselevtar kirip keldi. Ol kezde kórkem ádebıetti nasıhattaý búrosy degen bolatyn. Sol búronyń atynan jazýshylar top-topqa bólinip, oqtyn-oqtyn el aralap turýshy edi. Búro dırektory qazirgi úlken jazýshymyz Saıyn Muratbekov Qasekeń bastaǵan álgi topqa meni de iliktirip, qujat, qarajatyn qosa berip jiberipti. Qasekeń basshylyǵymen jarty aı boıy Aqsý, Taldyqorǵan aýdandarynyń sharýashylyqtaryn aralaǵan edik..."

Sol ocherkinde Sáken meniń atyma burynnan qanyq, ekenin, kitaptarymdy oqyǵanyn, biraq júzbe-júz tanysý sáti endi túskenin aıtady. Men de jas aqyn Sáken Imanasovtyń atyn zamandastary aıtýynan estip júretinmin. Sol Ádilbek, Saıyndar asa bir talantty aqyn dep álgi sapar aldynda taǵy qadaǵalaı aıtqan.

El ishin aralap, kópshilikpen kezdesý kezderinde sóziń dáleldi bolmasa, ózińdi eleı qoımaıdy jurt. Ádilbek, Sergeılerdiń ekpindep oqyǵan mánerine Sákenniń jigerli zor daýysy qosylyp, sóziniń salmaǵy basym túsip, tyńdaýshylarǵa asa unap qalatynyn ár kezdesýde baıqap júrdim.

Sol sapardan keıin men aǵa, Sáken ini bolyp, kúni búginge deıin aralas-quralas kele jatyrmyz. Bárin dep aıta almaspyn, áıteýir jazǵandaryn oqyp otyram, ol týrasyndaǵy jurt pikirine de qulaq túre júrem. Bóri de Sákenniń aqyndyǵyn azamattyǵynan aıyrmaı, taza kóńilmen kótere maqtap júredi.

Biraq ol alǵa túse qoıaıynshy dep, ólermendikpen umtylmaıdy. Minezinde de jópshendini mensine qoımaıtyn erlik bar. Sodan baryp kóbine úlesinen qaǵylyp júretinin baıqaımyn.

İni bolǵasyn maǵan ylǵı bala kórinedi ǵoı, taıaýda ǵana onyń da alpysqa kelip qalǵanyn bilip, telefon soqtym — "Aý, Sáken, sen de alpysqa kelip qaldyń ba? Apyr-aı, á, endi birazdan soń bizdi qýyp ta jetetin túriń bar ǵoı jas jaǵynan, men seni bala eken dep júrsem!" — dep qaljyń aıttym.

Ekeýimiz de kúlisip, máz bolyp qaldyq.

Ne deýge bolady. Aǵasy árdaıym inisiniń táýir bolǵanyn, abyroıly bolǵanyn tileıdi ǵoı. Tynysyma balaıtyn Sáken inime de men sony tileımin.

---