InfoHub Logo

Biz HHİ ǵasyrdyń jahandyq kartasynda eshkimge uqsamaıtyn, derbes orny bar ult bolamyz desek, álem bizdi mádenı jetistikterimizben tanýy kerek.

N. Á. Nazarbaev

Rýhanı jańǵyrý — ishki jan dúnıemizdiń jańa ózgeristerdi qabyldap, kóneden qalyptasqan salt–dástúr, mádenıetimiz ben tarıhymyzdyń jańarý jolyna túsýi.

Rýhanı jańǵyrý tól tarıhymyzdyń bir bólshegi ispettes. Tarıhqa kóz júgirtsek, halqymyzdyń osy kezge deıin júrip ótken joly, tar jol taıǵaq keshýler osyǵan dálel.

Elbasymyz óziniń kezekti joldaýynda Qazaqstannyń úshinshi jańǵyrýy bastalǵanyn jarıalaǵan bolatyn. Bizdiń mundaǵy kózdegen maqsatymyz damyǵan 30 eldiń qataryna qosylý. Biz aldymyzǵa maqsat qoıa otyryp, jańa tarıhı kezeńge taban tiredik.

Ult kóshbasshysy óziniń «Rýhanı jańǵyrý» maqalasynda basty basym baǵyttardy atap kórsetip berdi.

HHİ ǵasyrdaǵy ulttyq sana týraly

Biz ómir súrip júrgen qorshaǵan ortamyz jyl saıyn, kún saıyn, tipti kerek bolsa saǵat saıyn ózgeriske ushyrap, jańaryp otyr. Jańashyldyqqa aıaq baspas buryn sanamyzda qalyp qoıǵan keıbir jat dúnıelerden arylýymyz kerek. Biz úshin bul jańǵyrýdyń bastamasy sekildi. Bul degenimiz ótkendi umytý degendi bildirmese kerek. Elbasymyz bizderge qazirgi álemdik jahandaný jaǵdaıynda zaman aǵymyna ıkemdelýdi, jańa dáýirdiń ozyq úlgilerin boıymyzǵa sińirýdi mindettedi. Elimizdiń prezıdenti N.Á.Nazarbaev «Jańa turpatty jańǵyrýdyń eń basty sharty-sol ulttyq kodyńdy saqtaı bilý»,-dep basa aıtty.                                                                                                                  

Ulttyq kod — halqymyzdyń san ǵasyrlar boıy qalyptastyrǵan tól týyndylary, asyl dástúrlerimiz ben mádenı murasy.

Básekelik qabilet

Bizder ómir súrip otyrǵan qoǵamda tabysqa jetý úshin básekelik qabilettiń bolýy óte mańyzdy. Biz sol arqyly óz - ózimizdi damytyp, ózimizdi jańa qyrymyzdan tanyta alamyz. Dál, osylaı ultymyzǵa da básekelik qabiletti damytý, onyń bıik shyńdardan kórinýine múmkindik beredi.

Pragmatızm

Bizdiń Otanymyz Eýrazıa materıginiń júreginde ornalasqan. Sonaý, keń baıtaq jerge ıelik etken ata-babamyz ony kóziniń qarashyǵyndaı qorǵap, myna bizderge amanat etti. Endigi darqan dalamyzdy kórkeıtip, jerimizdi, jer qoınaýyndaǵy baǵaly   baılyǵyn únemdi paıdalaný -bizdiń menshigimizde.

Ulttyq biregeılikti saqtaý

Salt-dástúrimiz, mýzykamyz, sáýlet ónerimiz, ǵuryptarymyz -bulardyń bári ultymyzdyń rýhanı mádenıeti. Ultymyzdy ult retinde kórsetip turatyn sıpattardyń biri. Ultymyzdyń birtutastyǵy qazaq eliniń berik dińi. Ony saqtamaı ,jańa kezeńge aıaq basý -úlken qatelik.

Bilimniń saltanat qurýy

«Teginde, adam balasy adam balasynan aqyl, ǵylym, ar, minez degen nárselermen ozbaq. Onan basqa nársemenen ozdym ǵoı demektiń bári de - aqymaqtyq», — dep qara sózdiń qas sheberi Abaı atamyz aıtqandaı, bilim ol eń basty tabysqa jetelep, bıik shyńǵa kóteretin dúnıe. Bizdi bir-birimizden erekshelep kórsetip turatyn da osy.

Qazaqstannyń revolúsıalyq emes evolúsıalyq damýy

Bizge ótken tarıhymyzdan belgili HH ǵasyr kóptegen oqıǵalarǵa toly boldy. Halqymyz nebir aýyrtpashylyqty basynan keshirip, tarıhtyń soqpaq joldarynan ótti. Bul, árıne, ońaı emes. Sol tarıhtyń shyńyraý túbinde qalyp qoımaı, búgingi kúnge de jetti. Tarıhymyz revolúsıalyq damýdy  basynan ótkizip, evolúsıalyq jolǵa aıaq basty.

Sananyń ashyqtyǵy

Álemde kóptegen ult pen ulys ómir súrip jatyr. Árqaısysyn alyp qarasaq ta , ózderiniń ortaq tili, dini, dástúri bar. Olarmen mádenı jáne saıası, tehnologıalyq baılanys ornatý úshin, bizge keregi – til.

Qazirgi tehnologıa damyǵan zamanda ony ıgerý úshinde til bilý óte mańyzdy. Elbasymyz osyǵan oraı «Úsh tuǵyrly til» saıasatyn engizdi. Biz úshin bul úlken bastama.

Bunyń bári — búgingi býyn, bizderge júktelgen mindet.

---