InfoHub Logo

Qyzylorda oblysy,
Áıteke bı kenti, №17 Ǵanı Muratbaev atyndaǵy mekteptiń
bastaýysh synyp muǵalimi Dilekesh Sáýle Jetkergenqyzy

Sabaqtyń taqyryby: J dybysy men árpi

Sabaqtyń maqsaty: J dybysymen tanystyrý. Sózderge dybystyq taldaý jasatý, jasaýǵa úıretý. J dybysynyń árpimen tanystyrý, árip elementterin durys jazýǵa, saýatty jazýǵa úıretý.
Damytýshylyǵy: sóz baılyǵyn, shyǵarmashylyq qabiletterin damytý.
Tárbıeligi: izdenimpazdyqqa, uqyptylyqqa, jaýapkershilikti túsine bilýge tárbıeleý.
Kórnekiligi: keste, sýretter, dybystyq taldaý kartasy, býyndar, kespe áripter.
Ádisi: túsindirý ádisi, oınata otyryp oqytý ádisi.
Pánaralyq baılanysy: dúnıetaný.
Tıpi: jańa sabaq.
Túri: aralas

Sabaqtyń barysy: Sabaqqa nazar aýdarý. Psıhologıalyq daıyndyq.
(jaqsy tilekter oılaý)
İİ. Úı tapsyrmasyn tekserý. Mátindi
oqytý.
Álippe serigi (kitaby boıynsha jumys). Ótken áripterge baılanysty taqpaqtardy qaıtalaý.
İİİ Jańa sabaq. (Ańyz áńgimeden bastalady). Ertede ormanda bir jolbarys ómir súripti. Jolbarys aıańdap kele jatsa, aǵashtyń qasynda jıraf jaıbaraqat shóp jep tur eken. Jolbarys buǵan deıin jırafty kórmegen eken. Ózin ań patshasy sanaıtyn jolbarys qoryqqanyn bildirmeı, jón surapty.
- Aý, soraıǵan, sen kim bolasyń?
Oqys daýystan shoshyǵan jıraf aıaqtary dirildep: - «Men be, j-j-j-j-jı-jı-jırafpyn ǵoı», -dep áreń til qatypty.
- «Atyń eken, j-j-j-jı-jı-jıraf, j-j-j-jı-jı-jıraf», - dep qaıtalap jolbarys jónine ketedi.
Jıraf ta aman-esen qutylǵanyna qýanyp «j-j-j-jýf» dep demalady.
-Jolbarysqa jıraf ne dep jaýap berdi?
Balalar: j-j-j-jı-jı-jıraf», - dep aıtady.
- Al káne, balalar, búgin biz J dybysymen tanysamyz. (Úsh ret dybystatý.)
J dybysyn durys dybystatý úshin býyndardy ataı otyryp, sóz oılaý.
Ja-ja-jaqsy
Je-je-jemis
Az-az-jaz
Jý-jý-jýas
Oqýlyqpen jumys. Baǵandaǵy sózderdi oqytý.(hormen)

Mátinmen jumys. Teksti mánerlep oqý.
Dáptermen jumys isteý. Kórkem jazý.

Sergitý sáti.
Kestemen jumys. Áripterden sóz quraý. Mysaly: Jaras, Otan, Ana t.b.
Osy sózderden sóılem quraý.

Dıdaktıkalyq oıyn.
«J» dybysy sózdiń qaı bóliginde turǵanyna qarap, árbir sózdi qajet sandyqqa sal:
Jasyl, astyq, Oljas, jylan, qoja, muqtaj, olja, jol.
Qorytyndylaý.
- Sonymen, balalar, biz búgingi sabaǵymyzda qandaı dybys jáne árippen tanystyq?
J dybysy qandaı dybys?
Daýysty ma? Daýyssyz ba?
Sózderdiń kóbinese qaı jerlerinde kezdesedi basynda ma, aıaǵynda ma, ortasynda ma?
Madaqtaý. Úıge tapsyrma berý.