InfoHub Logo

\Men Mýftahova Gúlbar Erbolatqyzy Jańaqala aýdany, Jańaqazan aýyly M.Júnisov atyndaǵy jalpy orta  bilim beretin mektebinde kásiptik baǵdar jáne jahandyq quzirettilik fakýltatatıv kýrsynan sabaq beremin. «Órleý» biliktilikti arttyrý ulttyq ortalyǵy» aksıonerlik qoǵamynyń «Batys Qazaqstan oblysy boıynsha Kásibı damý ınstıtýty» fılıaly pedagogıkalyq qyzmetkerlerdiń biliktiligin  arttyrý ınstıtýtynyń uıymdastyrýymen 2022 jyldyń 26 qazan-4 qarasha  aralyǵynda «Jahandyq quzirettilikter» orta mektep uıymdarynyń muǵalimderine arnalǵan biliktilikti arttyrý kýrsy boıynsha bilimimdi jetildirdim.

Bul kýrsta barlyq ádistemelik jumystar ustazdardyń pedagogıkalyq sheberlikterin shyńdaýǵa baǵyttalǵan. Trener Alına Muratqyzy qashyqtyqtan oqý boıynsha onlaın kýrstyń maqsatymen tanystyra otyryp, qazirgi bilim berý standarttaryna saı pedagogıkalyq quzirettilikterin, jańartylǵan bilim berý  baǵdarlamasyn, sabaqtyń qurylymyn, ár túrli ádis-tásilderdi tıimdi oqytý men oqý tásilderi, qysqa merzimdi jospar, josparlaý týraly kóptegen málimetter keńinen  qamtı bildi. Kýrs taqyryby boıynsha trenerimiz Alına Muratqyzynyń biliktilik deńgeıi, baıandaýy, pedagogıkalyq sheberligi óte joǵary ekendigi birden baıqaldy. Biz  jumys barysynda tájirıbe jumysynyń ártúrli túrin tańdaý arqyly toptyq, ujymdyq, jeke tapsyrmalardy oryndadyq.

Pán boıynsha  pándik aspektilerdi meńgerip, ádis-tásilderdi  yqsham sabaqtarǵa sala otyryp, ony topta taldadyq. Ol sabaqtardy  refleksıa  jáne talqylaý  kezeńderimen ushtastyryp, bilimimizdi tolyqtyrdyq.Áriptesterimizben sabaqty tolyq talqyladyq. Barlyq resýrstardy sabaqta qoldanatyn bolamyz. Kýrsta ózimizdi jańa qyrynan tanyp ashyldyq. Jahandyq quzirettilik kýrsy bastalǵaly bilim qorjynymyz molaıdy. Sabaqqa tolyqtaı qatysyp taldap, zerttep,baqylap otyrdym. Maǵan erekshe unaǵany algorıtmdik oılaý,algarıtmdik taldaý,ómir qaýipsizdigi ıýnıti aıasynda taqyryptar boldy. Qoǵamda bolyp jatyrǵan zorlyq-zombylyqtyń aldyn alý,tótenshe jaǵdaılardy eskerý,áleýmettik,tabıǵı,saıası t.b tıimsiz faktorlardan saqtaný sharalaryn qaperlerimizge alyp túsinikteme jumystaryn júrgizip otyrýymyz qajet.

“Jahandyq quzyrettilikter ”taqyrybyndaǵy kýrsynan alyp jatyrǵanymyz kóp boldy.Túrli ádister,tapsyrmalar qurýdy, oqýshyǵa qyzyqty, ómirine tikeleı baılanysty taqyryptardy taldaý arqyly óz qorjynymyzdy tolyqtyrdyq dep aıta alamyn. Búgingi aqparatty boljaý,taldaý jáne baǵalaý daǵdylaryn damytýdyń ádisteri men tásilderimen tanystyq. Boljaý ádisi arqyly oqýshylardyń suhbat arqyly durys sheshim qabyldap,synı kózqarastaryn damytý jolynda qalaı jumystaný kerektigi jóninde jaqsy túsinik alyp óte paıdaly bilim aldyq.Sabaq óz maqsatyna jetti dep oılaımyn.

Men osy kýrska qatysqanyma óte qýanyshtymyn.Osy oraıda óz qalamymnan týyndaǵan óleń joldaryn nazarlaryńyzǵa usynbaqshymyn.

Jahandyq quzirettilik oıǵa tanym!
Ár taqyrypty ashýǵa umtylamyn
Qyzyqty tapsyrmalar, dálel-dáıek,
Ádis-tásil álemine saparladym

Órleý bergen bilim besiginde
7-top shyǵarmashyl ustazdarym!
Bilimge sýsap júrgen ár ustazǵa,
Sizder bergen ilimmen qanattandym!

Jetekshi maman Alına Muratqyzymen
Tyń derek, jańa aqpardy saraladym
Sanamyzdyń sańylaýyn asha bilsek,
Terip aldym jemisin qazynanyń
(s) Gúlbar Mýftahova

Jetekshimiz Alına Mýratovnaǵa úlken rahmetimdi aıtamyn.Eńbegińizdiń jemisin kórińiz!Jumysyńyz jańyp eńbegińiz eselene bersin!

BQO, Jańaqala aýdany,Jańaqazan aýyly.M.Júnisov atyndaǵy JOBBM-de kásiptik baǵdarlaýshy Mýftahova Gúlbar Erbolatqyzy.

---