InfoHub Logo

Bir jyly Ertis ózeni ótkel bermeı Qara aıǵyr degen jerden el tosylyp, tórt túlik mal neshe kún ıirilip kúıisi ketedi. El aǵalary bulaı shıryǵa bermeı el men maldy sýdyń arjaǵyna ótkizýdi aqyldasady da, adamdy da, maldy da qyrqarlap ótkize bastaıdy.

Osy arpalysta astynda sholaq tory baıtaly bar bir jetim jigit, elden qalmaıyn dep, baıtalymen sýǵa túsip ketedi. Alasurǵan aq býryl tolqyn, aryq baıtaly men jalǵyz jigitti ala jóneledi. Sonda jalǵyz jigit óziniń qylyǵyna ókinip:

At sal! At sal elim! At sal! — dep zar qaqqanymen, aranyn ashqan ajalǵa kim bara qoısyn, sonda astynda kók baıtaly bar Beıilbaı degen taǵy bir jarly jigit, zar qaqqan qurbylasyn qutqarýǵa, «kók baıtal janyń úshin júzersiń» dep, baıtalymen sýǵa kúp beredi.

Asaý tolqyn Beıilbaıdy da ala jóneledi. Áıteýir laqtyrylǵan shalmaýlardyń biri túsip, ol zorǵa qutqarylady. Biraq álgi jigit sol beti sýǵa ketedi. Beıilbaı men Qamadı jalǵyzdyqpen jarlylyqtan týǵan myna oıǵa keıingilerdiń esinde júrsin dep «Jalǵyz jigit» kúıin shyǵarady.

---