InfoHub Logo

Ertede eshbir týys-týǵany joq bir jalqy jigit bolǵan eken. Jalǵyzdyq muńyn eshkimge aıta almaǵandyqtan dombyra men sybyzǵyny ermek etip, ishki dertin shyǵarady eken.

Ol shertken kúılerinde ylǵı bir zardyń saryny bilinip turatyndyqtan, el de bara-bara kóp tyńdaıtyn bolypty. Áıtse de, olar muńly-zarly kúıdiń nendeı kúıinishten týǵanyn bilmek bolyp, jigitten:

— Bul nemene degen kúı? — dep suraǵanda, jigit:

— Ózim de bilmeımin, — dep qutylady eken. Biraq ol kúı shertkenin qoımapty. El izdep kelip tyńdaýyn toqtatpapty. Keıin kele el onyń osyndaı atsyz kóp kúılerin tyńdaı berip, aqyry «Jalǵyz jigittiń kúıi» nemese «Jalǵyz jigit» dep atap ketipti.

— Muńly-zarly bul kúılerdi el birden-birge taratyp ketipti. Kúnderdiń birinde bir baıdyń kúıge qumar qyzy estip, álgi kúıshi jigitke ǵashyq bolypty. Ýaqyt óte kele qyzdyń ǵashyq ekenin bilgen jigit, jalǵyz dep kemsitpeı ǵashyq bolǵan qyzǵa yntyq bolypty. Bul onyń jalǵyzdyq
muńyna taǵy bir qasiret bolyp qosylypty. Qyzǵa sóılesýge jalǵyzdyǵy, baıǵa sóılesýge kedeıligi tusaý bolǵan soń, ol taǵy dombyra, sybyzǵysymen sol armanyn kúıge aınaldyryp, sherli júreginen «Deldal» degen kúı shyǵarypty.

 

---