InfoHub Logo

Qandaıda bolmasyn memlekettiń, eldiń táýelsizdigin, demokratıalyq qundylyqtaryn aıqyndaıtyn negizgi qujat - Konstıtýsıa. Onda memlekettik qurylymdardyń, jeke jáne zańdy tulǵalardyń, ult pen ulystardyń, áleýmettik toptardyń maqsat-mindetteri men quqyqtaryn saqtap, onyń júzege asýyn qadaǵalaıtyn zań ókilderin elimizdegi bilim ordalary daıarlap shyǵady. Osy oraıda Qazaq Ulttyq Ýnıversıtetiniń zań fakúlteti bolashaq zańgerler, sýdıalar, tergeýshiler, prokýrorlar men krımınalıserdi  tárbıeleýde elimizdegi oqý oryndarynyń arasynda aldyńǵa qatarda tur desek bolady.

«Azamattyń shynaıy teńdigi – zańdarǵa olardyń báriniń baǵynýynda» degen eken fransýz ǵalymy Jan Leron D’Alamber. Adamzattyq teńdikti qalyptastyrý joly bastalatyn negizgi meken – bilim ordalary desek, sol zańı bilimniń qara shańyraǵy atanǵan 84 jyldyq tarıxy tártip saqtaýǵa baǵyttalǵan - zań fakúlteti.

Bizdiń fakúltettiń nege birinshi ekeni men zamanaýılyǵyn tarqatyp kóreıik.

1. Aty Alashqa áıgili fakúltet. Sebebi 1934 jyldan beri zańgerler daıarlaýda tynbaı eńbek etip keledi. Osy jyldar ishinde elimizge eleýli advokattar men sýdıalardy tárbıelep shyǵardy. El Konstıtýsıasyn jazýǵa da bizdiń túlekterimiz atsalysqan bolatyn. Bılik basyndaǵy memleketimizge eńbek etip júrgen tulǵalardan bastap, bas sýdıalar, advokattar, İİB qyzmetkerlerine deıingi azamattyrdyń ómir tarıxyn barlasań "QazUÝ túlegi" degen jazbany kóziń shalady. Bul da bizdiń jetistik.

2. Tórt juldyzdy ýnıversıtettiń juldyzy joǵary fakúlteti. Bilim sapasy boıynsha ýnıversıtetimizde joǵarǵy turǵan elıtaly bilim-ǵylym bólimshesi. Jyl saıynǵa "Top-100 úzdik stýdentterdiń" basym kópshiligin bizdiń shákirtterimiz quraıdy.

3. Smart qalashyqtaǵy - zamanaýı texnologıaly fakúltet. HHİ ǵasyrdyń barlyq talaptaryna saı jabdyqtalǵan fakúltetter qatarynda. Ustazdar men shákirtter ıgiligine yńǵaıly aýdıtorıalar men sheksiz qoldanystaǵy kompúter qurylǵylary jáne ınternet qosýly turady.

4. Bilikti ustazdar quramy jasaqtalǵan bilim berý júıesindegi aldyńǵy qatardaǵy bólim. Búgingi tańda fakúltetimizde 1 QR UǴA akademıgi, 30-dan asa doktorlar men profesorlar, 80-nen astam ǵylym kondıdattary, dosentter jumys jasaıdy

5. Oqý-tájirıbedegi biliktilik shyńdaýshysy. Shákirt tárbıeleýde bizdiń bólimniń alda turǵanyna eshkim kúmán keltire almasy anyq. Onyń dáleli teorıa men praktıkany qatar ala júrýinde bolsa kerek. Bizde arnaıy jasaqtandyrylǵan krımınalısıkalyq zertteý, sot júrgizý bólmeleri jáne advokattyq zertteý klınıkalary jumys jasaıdy. Sonyń arqasynda básekege qabiletti stýdentter kez kelgen zań salasynda jumys jasaýǵa ıkemdelip shyǵady.

Úsh tilde álemdik standartqa saı bakalavr, magıstratýra, doktorantýra sanattary boıynsha bilim beretin bizdiń fakúltet elimizdegi bilim berý salasynyń úzdigi.  

Ermýhametova Saýlegúl Raımovna

Zań ǵylymdarynyń kondıdaty, dosent

---