InfoHub Logo

Jahandaný zamanynda adam quqyqtary men bostandyǵyn qorǵaý basty nysanaǵa alynǵan desek, oǵan Sherxan Murtazanyń "Zań – memlekettiń toǵyz qabat, tor kózdi saýyty" degenin qosyńyz. Demek, adam ómirinde zańnyń arqalar júgi jeńil emes. Osy salada úzdiksiz bilim berip júrgen bilim ordalarynyń biri de biregeıi Qazaq Ulttyq Ýnıversıtetiniń zań fakúlteti.

Fakúltet qabyrǵasy ýnıversıtetpen birge 1934 jyly qalanǵan bolatyn. Sondyqtan da, bilimniń almonatory atanǵan zań fakúltetiniń bizdiń elimizde básesi bıik ekenine eshkim kúmán keltire almas. Onyń dáleli árıne talaı belesti baǵyndyrǵan, Ata Zańymyzdyń ár tarmaǵy, ár bólimin qurastyrýǵa úles qosqan túlekteri ekeni málim. Qazaq zańynyń shyńyraǵyn kóterip, ýyǵyn tikken jandardyń qaı qaısysyn da ómir tarıxynan "QazUÝ-lyq" degen tańbany kórýge ábden bolady.

"Túlekterim - tiregim" degen qara shańyraqtyń búgingi shákirt daıyndaý jolyndaǵy alǵy isterine toqtala keteıik.

¨   Quqyqtaný, keden isi mamandyqtary boıynsha jyl saıyn básekege qabiletti shákirtter tárbıelep shyǵarýda. Sapaly bilim alyp shyqqan stýdentterimizdiń jumys ornynda da óresi bıik turatynyna senimdimiz.

¨   Fakúltet zaman talabyna saı jabdyqtalǵan elimizdegi aldyńǵy qatarly bilim ordasy. Shákirtter ıgiligine sheksiz ınternet pen kompúter qurylǵylary úzdiksiz jumys jasaıdy. Sonymen qatar, zertxanalyq sabaqtarǵa arnaıy jabdyqtalǵan krımınaldyq zertteý, sot júrgizý bólmeleri men advokattyq zertteý klınıkasy stýdentterdiń sapaly bilim alyp qana qoımaı, jan-jaqty bolyp shyǵýyna óz septigin tıgizýde.

¨ Bizde stýdentterdiń tańdaýyna qaraı sabaqtar qazaq, aǵylshyn, orys tilderinde júrgiziledi. Álemdik standarttar boıynsha bakalavr, magıstratýra, PHD doktorantýra sanattarynda bilim alyp shyǵýǵa múmkindikter jasalynǵan. Sebebi bizde, Qazaqstandaǵy eń úzdik degen dosentter men ustazdar quramy jumys jasaıdy.

¨  Stýdentterimiz sabaq oqyp qana qoımaı stýdeettik uıymdar músheleri bolyp, túrli úıirmelerge de qatysýyna bolady. Sol arqyly oqý men qatar qoǵammen qarym-qatynas jasaı bilegý daǵdylanady. Búgingi kúni shákirtterimizdiń bilim kórsetkishiniń arqasynda Qazaqstanda ǵana emes, ýnıversıtetimizde de aldyńǵy qatarly fakúltetterdiń kósh basynda tur. Onyń dáleli jyl saıynǵy "Top-100 úzdik stýdentter" tiziminiń jartysyna bizdiń shákirtterimiz iligedi.

"Zań - úlken shybyndar buzyp ótip, usaq shybyndar shyrmalatyn órmekshiniń tory emes" degen Balzaktyń sózin ustantyn bizdiń fakúltet qashanda ádildikti tý etken elimizdegi eń aıtýly bilim bólimi.

Hýdaıberdına G.A.

aǵa oqytýshy

Nýrahmetova G.G.

Zań ǵylymdarynyń kondıdaty, dosent

---