InfoHub Logo

Qazir zamanǵa saı ǵalamtorda jumys isteý – qalypty nárse. Biraq, jumystyń alýan túrliligi sonshalyq, qaı sala mamany bolýy úlken suraq týǵyzady. Sonymen suranysqa qandaı onlaın-mamandyqtar ıe?

Karantın ýaqytynda adamdardyń kóbi turaqty tabys kózinen aıyryldy. Bul úıde otyrǵan adamdardyń qashyqtyqta isteı alatyn jumysty qarastyrýyna yqpal etti. Zertteı kele, kóbi úıde otyryp-aq turaqty tabysqa shyǵýǵa bolatynyn túsindi. Qazir zamanǵa saı ǵalamtorda jumys isteý – qalypty nárse. Sondyqtan, zertteı kele suranysqa ıe TOP-5 mamandyqty qarastyramyz:

SMM – bul Social Media Marketing, aýdarǵanda áleýmettik medıa marketıńin bildiredi. SMM menejeri – bul áleýmettik jelilerden klıentterdi tartýǵa mamandandyrylǵan ınternet-marketolog. Bul ámbebap maman bolǵandyqtan, árdaıym suranysqa ıe. Naryqta bul mamandyq ıeleri ortasha eseppen 150 000-250 000 teńge alady.

Túster, pishinder, qaripter, anımasıa, basqa elementter jáne olardyń úılesimi, saıtty nemese qosymshany paıdalaný yńǵaılylyǵy – veb-dızaınerdiń isi. Onlaın dúkender, kompanıalardyń saıttaryn, paraqshalaryn rásimdep, bári úılesimdi ári yńǵaıly bolý úshin kóp jumysty talap etedi. Sondyqtan web-dızaınerdyń jumysy konversıaǵa, sondaı-aq ónimniń nemese brendtiń este saqtalýyna tikeleı áser etedi. Jalaqysy ortasha eseppen alǵanda 150 000-300 000 teńge.

Instagram, Facebook, VKontakte jáne t.b. áleýmettik jelilerde maqsatty aýdıtorıany tańdaý, shyǵarmashylyq jarnama oılap tabý, kórsetkishterdi esepteý jáne  jarnamalardy iske qosý úshin targetolog mamany qajet. Jalpy targettyq jarnama – ónim satatyn paraqshalardyń ajyramas bóligi. Sebebi, bul jańa klıentterdi taýyp, jeke brend qalyptastyrýǵa zor úlesin qosady. Tabysy:200 000-300 000 teńge

Mamandyqty birneshe baǵytqa bólýge bolady: jarnamalyq, aqparattyq jáne tehnıkalyq mátinder. Ǵalamtorda jańa jumys isteýdi bastap jatqandarǵa kopıraıter mamandyǵyna nazar aýdarǵan jón.Sebebi, oǵan kirýdiń óte tómen shegi bar: jańadan bastaýshyǵa tapsyrma tabý qıyn bolmaıdy. Jalaqysy ortasha eseppen:150 000-250 000 teńge.

Men menejerdi ádeıi sońyna qaldyrdym, óıtkeni siz ǵalamtormen tikeleı jumys isteıtin san túrli mamandyq bar ekenin kórdińiz. Osy mamandardyń barlyǵyn bireý basqarýy kerek. Bul róldi joba/ónim menejeri atqarady. Alaıda basqa mamandyqtarǵa qaraǵanda, menejer birden bul jumysty atqara almaıdy. Sebebi, siz bul mamandardyń qalaı jáne ne bolyp jatqanyn túsiný úshin tizimnen birneshe mamandyqty ıgerýińiz qajet, sonymen qatar klıentpen qalaı jumys isteý keregin túsinýińiz kerek, óıtkeni joba menejeri onymen ózara árekettesedi. Olar bul jumystary úshin 300 000-400 000 - nan bastap alady.

Jalpy bul – onlaın-mamandyqtardyń biraz ǵana bóligi. Olardyń árqaısysyn ózdiginen úırenýge bolady, biraq ýaqyt únemdep, bul salada sapaly bilim alý úshin arnaıy kýrstardy oqyp bitirgen jón. Ár jumystaǵydaı árqaısysynyń jaqsy men jaman jaqtary bar. Biraq jaqsy jaqtary molyraq. Ǵalamtor tórinde adamnyń jasyna, joǵary oqý ornyn aıaqtaýyna nemese aıaqatmaýyna qaramaı, tek jumys sapasyna qaraıdy. Sondyqtan, eń bastysy – sapaly jumys!

Jaıyrova Nurıla Turan ýnıverstıteti 3 kýrs stýdenti

---