InfoHub Logo

Arheologtar Ispanıanyń Ońtústik-shyǵysyndaǵy La-Almolaııa arheologıalyq ornynda úlken qysh qumyraǵa birge jerlengen áıel men er adamnyń súıegin tapty. Munda erte qola dáýirinde bizdiń dáýirimizge deıingi 2200-1500 jyldar aralyǵynda El-Argar mádenıetiniń ókilderi ómir súrgen.

Jerleýden eki máıit qatar tabylǵanymen, arheologtardyń aıtýynsha, er adam erterek ólgen. Áıel qaıtys bolǵan kezde qysh qumyra ashylyp, onyń denesi kóptegen áshekeılermen sol jerge qoıylǵan. Áıeldiń bas súıeginiń bir bóligin jáne zergerlik buıymdardy paıdalana otyryp, ıllústrator áıeldiń betin, sondaı-aq La Almolaııada jerlengen basqa turǵyndardyń bet-álpetin qaıta jasady.

«Bas súıeginiń bir bóligi ǵana bar bet rekonstrýksıasyn jasaý qıyn boldy, biraq qaldyqtardyń janynan tabylǵan kúmis táj onyń basynyń ólshemin anyqtaýǵa kómektesti», - deıdi ıllústrator Djoana Brýno.

Áıel súıeginiń janynan tabylǵan zergerlik buıymdar men túrli quraldardyń kólemin eskere otyryp, ǵalymdar onyń qoǵamda joǵary qyzmet atqarǵanyn alǵa tartty. Ǵalymdar qola dáýirinde ómir súrgen áıeldiń 25-30 jasynda qaıtys bolǵanyn anyqtady. Onyń birneshe týa bitken aýrýlary bar, onyń ishinde moıyn omyrtqasy men qabyrǵasy joq.

"Rekonstrýksıada kórgenderdiń bári qaldyqtardy muqıat zertteýdiń arqasynda jasaldy. Tipti qulaqtardaǵy saqınalar bas súıeginiń janynan tabylǵandar", - deıdi Brýno.

«Bul jaı ǵana súıekter emes, olar ózderiniń emosıalary men tájirıbesi bar tiri adamdar bolǵanyn ekenin este ustaǵan jón. Men olardyń músiniń osylaı jasaýdy jón kórdim», - deıdi Brýno.

Aqbaıan Atapkelova

---